Tveir karlmenn, 32 og 39 ára, og 35 ára kona hafa verið handtekinn vegna málsins að því er segir í tilkynningu frá lögreglunni. Þau eru öll frá Kolding. Lögreglan telur að fólkið hafi þekkt hinn látna. Þau voru öll færð fyrir dómara í gær þar sem gæsluvarðhalds var krafist yfir þeim. Þau neituðu öll að vita nokkuð um málið en voru samt sem áður úrskurðuð í fjögurra vikna gæsluvarðhald.
Umfangsmikil vettvangsrannsókn stóð yfir í gær á staðnum þar sem líkið fannst. Einnig var lögreglan við vettvangsrannsóknir á nokkrum stöðum í Kolding.
Hinn látni hét Michael Bodilsen og var 43 ára. Lögreglan lýsti eftir honum þann 17. maí og sagði þá að síðast hefði sést til hans þann 2. maí. Það var fjölskylda hans sem hafði snúið sér til lögreglunnar eftir að hafa ekki heyrt frá honum í töluverðan tíma.
Eftir að lögreglan lýsti eftir Michael var hljótt um rannsókn hennar eða allt þar til í gær að skýrt frá því að lík hans hefði fundist og að hann hefði verið myrtur.