Á sunnudaginn varð ung kona fyrir því óhappi að ís brast undan bílnum sem hún ók þegar hún ók yfir ísilagt vatn í Ottawa í Kanada. Bílinn byrjaði strax að sökkva en konan náði að komast út og upp á bílinn. Íbúar í nágrenninu þyrptust strax á vettvang til að koma konunni til bjargar en það vakti athygli margra að þrátt fyrir að konan væri í lífshættu gaf hún sér góðan tíma til að taka sjálfsmynd þegar hún stóð ofan á bílnum, sem sökk hægt og rólega, á meðan hún beið eftir aðstoð.

Hún hafði náð að komast út um glugga og upp á þakið. Vatn streymdi inn í bílinn sem sökk sífellt dýpra. Björgunarfólki tókst að finna kajak sem var hægt að koma til konunnar og draga síðan í land með hana innanborðs.

Listener video of a water rescue on the Rideau River in Manotick #ottnews #TheMorningRush @billcarrolltalk pic.twitter.com/81CdtxFSYX

— 580 CFRA (@CFRAOttawa) January 17, 2022

En konunni virtist ekki liggja neitt sérstaklega mikið á að láta bjarga sér því hún gaf sér tíma til að smella af nokkrum sjálfsmyndum.

Lynda Douglas náði myndum af þessari myndatöku og birti á Twitter.