fbpx
Sunnudagur 05.febrúar 2023
Pressan

Er þetta ótrúlegasta útskýring sögunnar á lyfjanotkun íþróttamanns?

Kristján Kristjánsson
Þriðjudaginn 29. júní 2021 05:59

Mynd úr safni. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á sunnudaginn tókst hjólreiðamanninum Mathieu van der Poel að endurtaka það sem föður hans tókst fyrir 37 árum, að klæðast hinum sögufræga gula bol í Tour de France en hann þýðir að hann var í forystu í keppninni.

Mathieu er þriðja kynslóð hjólreiðamanna í fjölskyldunni sem lætur mikið að sér kveða í keppnum. Faðir hans, Adri van der Poel, og afi hans, Raymond Poulidor, voru einnig góðir hjólreiðamenn og stóð afi hans sig til dæmis vel í Tour de France. Hann komst átta sinnum á verðlaunapall en náði aldrei að klæðast gula bolnum og var því stundum nefndur „númer tvö að eilífu“.

En saga Adri er hins vegar kannski sú ótrúlegasta innan fjölskyldunnar. Eftir að hann hafði lokið keppni í GP Frankfurt árið 1983 var hann tekinn í lyfjapróf. Í því greindist efnið striknín í blóði hans en það er meðal annars notað í rottueitur og í mjög litlum skömmtum í taugalyf. Efnið getur, í litlum skömmtum, haft jákvæð áhrif á þreytta vöðva í fótum. En Adri var svo sannarlega með skýringu á reiðum höndum á af hverju efnið greindist í blóði hans.

Mathieu van der Poel. Mynd:Getty

Í fyrstu sagðist hann ekki hafa neina hugmynd um þessa óvæntu niðurstöðu lyfjaprófsins en skyndilega mundi hann eftir máltíð einni, sem hann hafði snætt hjá tengdaföður sínum, fyrrnefndum Raymor Poulidor, skömmu áður.

Adri sagðist hafa fengið dúfutertu að borða hjá honum og ekki bara hvaða dúfutertu sem er heldur eina sem var búin til úr bréfdúfum tengdaföðurins. Adri sagði að tengdafaðir hans hefði gefið bréfdúfunum lyf til að bæta frammistöðu þeirra og því hefði striknín greinst í blóði hans eftir að hann borðaði dúfutertuna.

Það sem kemur kannski einna mest á óvart við þetta allt saman er að þessi skýring var keypt hrá og Adri slapp við keppnisbann og eftirmála og hélt áfram að keppa fram að aldamótum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ferðu í handsnyrtingu? Þá skaltu vera með vettlinga eða sólarvörn segir læknir

Ferðu í handsnyrtingu? Þá skaltu vera með vettlinga eða sólarvörn segir læknir
Pressan
Í gær

Ný rannsókn – Magahjáveituaðgerðir lengja lífið

Ný rannsókn – Magahjáveituaðgerðir lengja lífið
Pressan
Fyrir 2 dögum

Segir að Kínverjar séu að undirbúa innrás á Taívan

Segir að Kínverjar séu að undirbúa innrás á Taívan
Pressan
Fyrir 2 dögum

Norska lögreglan telur sig hafa leyst 24 ára morðmál

Norska lögreglan telur sig hafa leyst 24 ára morðmál
Pressan
Fyrir 4 dögum

Enskur kráareigandi fann ótrúlegan dýrgrip sem talin er hafa verið í eigu Hinriks áttunda

Enskur kráareigandi fann ótrúlegan dýrgrip sem talin er hafa verið í eigu Hinriks áttunda
Pressan
Fyrir 4 dögum

Covid-19 er núna ein algengasta dánarorsök barna í Bandaríkjunum

Covid-19 er núna ein algengasta dánarorsök barna í Bandaríkjunum
Pressan
Fyrir 4 dögum

Hvarf unglings heltók kínversku þjóðina – Nú er líkið fundið og vangavelturnar eru enn meiri en áður

Hvarf unglings heltók kínversku þjóðina – Nú er líkið fundið og vangavelturnar eru enn meiri en áður
Pressan
Fyrir 5 dögum

Lögreglukonan úr kynsvallinu rýfur þögnina – „Gaurar eru gaurar og þeir stinga typpinu í hvað sem er“

Lögreglukonan úr kynsvallinu rýfur þögnina – „Gaurar eru gaurar og þeir stinga typpinu í hvað sem er“