fbpx
Laugardagur 12.júní 2021
Pressan

Dýrkeypt aðstoð við Bandaríkjamenn – Hefur setið í einangrun í tíu ár

Kristján Kristjánsson
Laugardaginn 8. maí 2021 12:00

Shakil Afridi er þriðji frá vinstri á myndinni. Mynd:AFP

Ekki missa af Helstu tíðindum dagsins í pósthólfið þitt

Lesa nánar

Fyrir tíu árum aðstoðaði pakistanski læknirinn Shakil Afridi Bandaríkjamenn við að hafa uppi á Osama bin Laden sem bandarískir hermenn skutu síðan til bana. Óhætt er að segja að Afridi hafi greitt þetta dýru verði en hann hefur nú setið í fangelsi í tíu ár og er í einangrun og mun væntanlega verða það um ókomin ár.

Hann er í einangrun í Sahiwal-fangelsinu í Pakistan. „Honum er eingöngu haldið í fangelsinu til að sýna öllum Pakistönum að maður á ekki að vinna með vestrænum leyniþjónustum,“ sagði Husain Haqqani, fyrrum sendiherra Pakistan í Bandaríkjunum, í samtali við AFP.

Það er því ljóst að pakistönsk yfirvöld hafa fundið sökudólg í Afridi hvað varðar drápið á bin Laden.

Afridi er í nær algjörri einangrun í fimm fermetra fangaklefa sínum. Eina hreyfingin sem hann fær er að ganga í hringi þar og stundum gerir hann að sögn armlyftur. Hann fær ekki að tala við neinn nema lögmann sinn og fjölskyldu. Hann fær að hafa kóraninn hjá sér en ekkert annað lesefni. Hann fær að raka sig tvisvar í viku að fangavörðum viðstöddum. Hann fær ekki að umgangast aðra fanga. Hann eyðir dögunum í að ganga um klefa sinn og biðja.

Osama bin Laden.

Fjölskylda hans fær að heimsækja hann tvisvar í mánuði en rimlar eru á milli þeirra í heimsóknartímanum. Ættingjarnir mega ekki ræða stjórnmál eða aðstæðurnar í fangelsinu við hann. Hann er því í nær algjörri einangrun frá umheiminum.

Afridi aðstoðaði að sögn CIA við að staðsetja bin Laden. Vitað var að hann væri í bænum Abbottabad en ekki nákvæmlega hvar. CIA fékk Afridi til að fara af stað með bólusetningaáætlun í þeirri von að hægt yrði að fá lífsýni úr bin Laden til DNA-rannóknar með því.

Ekki hefur komið fram hversu mikinn þátt Afridi átti í að Bandaríkjamenn gátu staðsett bin Laden. Hann hefur ekki verið dæmdur fyrir það en var sakfelldur fyrir að hafa stutt uppreisnarhóp fjárhagslega og hlaut 33 ára fangelsisdóm fyrir það.

Bandaríkjamenn hafa mótmælt dómnum yfir honum og árum saman hefur verið rætt um að skipta á Afridi og fanga eða föngum í Bandaríkjunum en samningar hafa ekki náðst.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Heimsfaraldurinn hefur breytt aðferðum smyglara og neyslumynstri

Heimsfaraldurinn hefur breytt aðferðum smyglara og neyslumynstri
Pressan
Fyrir 2 dögum

Norðmenn fylgjast náið með nýju afbrigði kórónuveirunnar

Norðmenn fylgjast náið með nýju afbrigði kórónuveirunnar
Pressan
Fyrir 2 dögum

Þetta er glæpamaðurinn sem aðstoðaði lögregluna óafvitandi – 800 handteknir

Þetta er glæpamaðurinn sem aðstoðaði lögregluna óafvitandi – 800 handteknir
Pressan
Fyrir 2 dögum

Ný kórónuveirubylgja ógnar Afríku

Ný kórónuveirubylgja ógnar Afríku
Pressan
Fyrir 3 dögum

Talin hafa látist af völdum of mikillar tyggjónotkunar

Talin hafa látist af völdum of mikillar tyggjónotkunar
Pressan
Fyrir 3 dögum

Aiden var drepinn fyrir framan móður sína – Nú eru ný tíðindi í málinu

Aiden var drepinn fyrir framan móður sína – Nú eru ný tíðindi í málinu
Pressan
Fyrir 4 dögum

Mál Madeleine McCann – Lögreglan hefur rannsakað Christian B. árum saman

Mál Madeleine McCann – Lögreglan hefur rannsakað Christian B. árum saman
Pressan
Fyrir 4 dögum

Lögreglan ætlaði að uppræta kannabisræktun – Byggingin var notuð í eitthvað allt annað

Lögreglan ætlaði að uppræta kannabisræktun – Byggingin var notuð í eitthvað allt annað