fbpx
Laugardagur 12.júní 2021
Pressan

Bakteríur og annar óþverri – Svona ógeðsleg er andlitsgríman þín

Kristján Kristjánsson
Fimmtudaginn 6. maí 2021 05:15

Vilt þú nota grímuna þína aftur? Mynd:Getty

Ekki missa af Helstu tíðindum dagsins í pósthólfið þitt

Lesa nánar

Hefur þú sett einnota andlitsgrímuna þína í vasann eftir notkun og síðan tekið hana upp seinna og notað? Eflaust hafa margir gert þetta en þetta er alls ekki góð hugmynd.

„Vasinn þinn er ekki hreinn. Þú hefur örugglega sett hendurnar í hann, lykla eða mynt. Það er því hætta á að örverur setjist á andlitsgrímuna. Ef þú setur hana aftur á þig geta þær borist í augun, nefið og munninn,“ sagði Anne Marie Andersen, hjá dönsku smitsjúkdómastofnuninni, í samtali við Danska ríkisútvarpið.

En það eru ekki bara bakteríur úr umhverfinu sem sitja á notaðri andlitsgrímur því á þeim eru einnig bakteríur, veirur og annað úr munni þeirra sem nota þær. Til dæmis eftir hnerra eða hósta. „Notaðar andlitsgrímur eru ógeðslegar. Það er hægt að líkja þessu við að taka notaðan vasaklút upp og þurrka andlitið með honum. Það gerir þú ekki því hann er þakinn bakteríum og óþverra,“ sagði Andersen.

Viðurkenndar andlitsgrímur sía að minnsta kosti 95% af öllum þeim ögnum sem við öndum frá okkur. Það þýðir að agnir setjast á innanverða grímuna og þær geta verið af fjölbreyttum toga að sögn Andersen. Hún nefndi þar keðjusýkla og klasasýkla og einnig geta ónæmir klasasýklar á borð við MRSA sest þar en þeir eru ónæmir fyrir sýklalyfjum. Af þessum sökum á alls ekki að nota andlitsgrímu sem einhver annar hefur notað.

Á utanverðri grímunni sitja síðan ýmsar bakteríur og veirur úr umhverfinu. Þær geta komið úr vasanum, sem gríman var í, af hlutum sem fólk snertir áður en það setur grímuna á sig eða frá einhverjum sem hnerraði. „Ef þú ert til dæmis að versla færðu bakteríur á fingurna af öllum þeim vörum, handföngum og innkaupakerrum sem þeir snerta. Ef þú snertir andlitsgrímuna með þeim berast þær á hana. Þú skalt reyna að halda höndunum frá andlitinu. En ef þú snertir andlitsgrímuna án þess að hafa þvegið eða sprittað hendur geta bakteríur borist yfir á hana. Þess vegna er mikilvægt að henda henni þegar búið er að nota hana,“ sagði Andersen.

Það sama á við um margnota andlitsgrímur en Andersen sagði að mikil hætta sé á að fólk noti þær aftur án þess að þvo þær.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Heimsfaraldurinn hefur breytt aðferðum smyglara og neyslumynstri

Heimsfaraldurinn hefur breytt aðferðum smyglara og neyslumynstri
Pressan
Fyrir 2 dögum

Norðmenn fylgjast náið með nýju afbrigði kórónuveirunnar

Norðmenn fylgjast náið með nýju afbrigði kórónuveirunnar
Pressan
Fyrir 2 dögum

Þetta er glæpamaðurinn sem aðstoðaði lögregluna óafvitandi – 800 handteknir

Þetta er glæpamaðurinn sem aðstoðaði lögregluna óafvitandi – 800 handteknir
Pressan
Fyrir 2 dögum

Ný kórónuveirubylgja ógnar Afríku

Ný kórónuveirubylgja ógnar Afríku
Pressan
Fyrir 3 dögum

Talin hafa látist af völdum of mikillar tyggjónotkunar

Talin hafa látist af völdum of mikillar tyggjónotkunar
Pressan
Fyrir 3 dögum

Aiden var drepinn fyrir framan móður sína – Nú eru ný tíðindi í málinu

Aiden var drepinn fyrir framan móður sína – Nú eru ný tíðindi í málinu
Pressan
Fyrir 4 dögum

Mál Madeleine McCann – Lögreglan hefur rannsakað Christian B. árum saman

Mál Madeleine McCann – Lögreglan hefur rannsakað Christian B. árum saman
Pressan
Fyrir 4 dögum

Lögreglan ætlaði að uppræta kannabisræktun – Byggingin var notuð í eitthvað allt annað

Lögreglan ætlaði að uppræta kannabisræktun – Byggingin var notuð í eitthvað allt annað