fbpx
Miðvikudagur 14.apríl 2021
Pressan

Segja að kjarnorka sé ekki hættulegri en önnur form raforkuframleiðslu

Kristján Kristjánsson
Þriðjudaginn 6. apríl 2021 19:30

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Kjarnorka er ekki hættulegri fyrir fólk eða umhverfið en önnur form raforkuframleiðslu. Þetta segir sérfræðinganefnd framkvæmdastjórnar ESB í nýrri skýrslu.

Sérfræðinganefndin, Joint Research Centre (JRC), segir í skýrslunni að greining hennar hafi ekki leitt í ljós neinar vísindalegar sannanir fyrir að kjarnorka sé skaðlegri fyrir heilsu manna eða umhverfið en önnur form raforkuframleiðslu.

Skýrslan er tæplega 400 síður og í henni er farið yfir eitt og annað hvað varðar kjarnorku, meðal annars umhverfisáhrif, geislavirkni, hættuna á óhöppum og það sem varðar úrgangsmál. Skýrslan er hluti af vinnu framkvæmdastjórnarinnar við að þróa kerfi fyrir sjálfbærar fjárfestingar. Kerfinu er ætlað að flokka ákveðna fjárfestingamöguleika þannig að bæði einkaaðilar og opinberir aðilar geti séð hversu sjálfbærir þeir eru.

Miklir fjárhagslegir hagsmunir eru undir í þessu, þar á meðal í kjarnorku- og gasiðnaðinum sem berjast fyrir að verða viðurkenndir sem sjálfbærir. Að auki koma umhverfisverndarsamtök við sögu og þeir sem vinna að þróun vind-, sólar- og vatnsorku. Baráttan um flokkunarkerfið hefur staðið yfir í þrjú ár en á síðasta ári náðist pólitískt samkomulag um að fresta því að taka afstöðu til stöðu kjarnorku og náttúrugass í því.

Í skýrslunni kemur fram að breið vísindaleg og tæknileg samstaða sé um að geymsla geislavirkra úrgangsefna frá kjarnorkuverum á miklu dýpi ofan í jörðinni sé, út frá núverandi vitneskju, viðeigandi og örugg aðferð til að einangra efnin frá umhverfinu í mjög langan tíma.

Hvað varðar óhöpp segir í skýrslunni að „ekki sé algjörlega hægt að útiloka“ að óhöpp verði en „mjög litlar líkur séu á því“. Segja sérfræðingarnir að hægt sé að draga enn frekar úr þessari hættu með því til dæmis að hafa þetta í huga við þróun og byggingu kjarnorkuvera. Þeir leggja áherslu á að kjarnorkuver séu byggð á allt annan og öruggari hátt nú en kjarnorkuverið í Chernobyl í Úkraínu en þar varð kjarnorkuslys 1986.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Fengu yfir hundrað þúsund kvartana vegna umfjöllunar um dauða Filippusar

Fengu yfir hundrað þúsund kvartana vegna umfjöllunar um dauða Filippusar
Pressan
Í gær

Franskir vínbændur fara illa út úr frostakafla

Franskir vínbændur fara illa út úr frostakafla
Pressan
Fyrir 2 dögum

Stóri bólusetningardagurinn í Danmörku – Ætla að bólusetja 100.000 manns í dag

Stóri bólusetningardagurinn í Danmörku – Ætla að bólusetja 100.000 manns í dag
Pressan
Fyrir 2 dögum

Hans lést af völdum COVID-19 – Samsæriskenningasmiður sem sagði kórónuveiruna ekki vera til

Hans lést af völdum COVID-19 – Samsæriskenningasmiður sem sagði kórónuveiruna ekki vera til
Pressan
Fyrir 3 dögum

Segja alræmda glæpafjölskyldu hafa staðið á bak við ótrúlegan demantaþjófnað

Segja alræmda glæpafjölskyldu hafa staðið á bak við ótrúlegan demantaþjófnað
Pressan
Fyrir 3 dögum

Maðurinn sem sendi sjálfan sig í flugfrakt á milli heimsálfa

Maðurinn sem sendi sjálfan sig í flugfrakt á milli heimsálfa
Pressan
Fyrir 4 dögum

Rússneskar hersveitir sendar að landamærum Úkraínu – Hvað ætlar Pútín að gera?

Rússneskar hersveitir sendar að landamærum Úkraínu – Hvað ætlar Pútín að gera?
Pressan
Fyrir 4 dögum

Þess vegna ælir fólk þegar það er með timburmenn

Þess vegna ælir fólk þegar það er með timburmenn