Scekic skýrir frá þessu í viðtali við tímaritið Svet&Scandal. „Það er rétt að maður hafði samband við mig. Ég þekkti hann og taldi hann í lagi. Ég þekki til vinnu þeirra og þeir eru duglegir. Þegar hann bað mig um að hitta sig hélt ég að fundurinn snerist um vinnu. En eftir því sem leið á samtalið áttaði ég mig á að þetta tengdist vinnu minni ekki neitt.“
Sagði Scekic og bætti við: „Ég hélt að þetta væri falin myndavél þegar hann sagði að ég ætti að draga Novak á tálar og taka allt upp en ég átti ekki að hafa áhyggjur af upptökunni, hann ætlaði að sjá um hana. Hann sagði að ég fengi um 60.000 evrur fyrir þetta og ferð að eigin vali.“
Hún segir að henni hafi fundist þetta svo undarlegt að í fyrstu trúði hún ekki að maðurinn væri að tala í alvöru. „Ég hló og beið eftir að hann segði að þetta væri grín en hann var mjög alvarlegur. Ég móðgaðist mjög og fannst ég niðurlægð. Ég íhugaði að slá hann eða skvetta vatni á hann en hélt aftur af mér því við vorum á opinberum stað.“
Hún segist því næst hafa staðið upp og farið og vonist til að manninum takist ekki að finna konu sem vill taka þátt í þessu.
Novak Djokovic hefur verið kvæntur Jelena í sjö ár og saman eiga þau tvö börn.
https://www.instagram.com/p/CLrQe7GjcWY/?utm_source=ig_embed
