Tilkynning barst um eldinn á þriðja tímanum um nóttina. Þegar slökkviliðið kom á vettvang var húsið alelda. VG skýrir frá þessu. Slökkviliðið barðist við eldinn klukkustundum saman en sú barátta bar engan árangur og brann húsið til grunna.
Í húsinu bjó einn liðsmanna slökkviliðsins ásamt eiginkonu sinni og tveimur ungum börnum. Lögreglan óttast að fólkið hafi verið inni í húsinu þegar eldurinn kom upp og hafi brunnið inni.
Ekki var hægt að hefja leit í rústunum í gær vegna mikils hita.