Á að skola leirtauið áður en það er sett í uppþvottavélina? Það eru skiptar skoðanir um þetta á mörgum heimilum en svarið er einfalt og framvegis getur fólk bara vísað í þessa hér grein ef deilur spretta upp um þetta!

Uppþvottavélar eru með skolforrit svo það er bara tvíverknaður að skola leirtauið áður en það er sett í vélina því vélin gerir það hvort sem er.

Fyrir 30 árum voru uppþvottavélar ekki eins fullkomnar og í dag og þá skolaði fólk leirtauið áður en það var sett í en í dag þarf þess ekki. En það getur verið erfitt að breyta út af vananum en það er bara að taka sér tak og hætta að skola leirtauið.

Vélarnar skola það, þvo það og þurrka. Sumar eru meira segja með tækni sem gerir þeim kleift að meta hversu skítugt leirtauið er. Ef það er mjög skítugt þá þvær vélin það bara sérstaklega vel. Ef þú skolar leirtauið áður en það fer í vélina þá platarðu þennan skynjara til að halda að það sé ekki sérstaklega skítugt.