fbpx
Fimmtudagur 19.maí 2022
Pressan

Kapphlaup um að finna F-35 vél sem hrapaði í Miðjarðarhafið

Kristján Kristjánsson
Sunnudaginn 28. nóvember 2021 13:00

F-35 þoturnar eru smíðaðar af Lockheed Martin í Bandaríkjunum.

Ekki missa af Helstu tíðindum dagsins í pósthólfið þitt

Lesa nánar

Fyrir nokkru hrapaði bresk F-35 orustuflugvél í Miðjarðarhafið. Í kjölfarið hófst mikið kapphlaup um að finna vélina. Bretland, Bandaríkin og önnur NATO-ríki leggja nú nótt við dag til að finna flakið sem er hlaðið háleynilegum búnaði sem ekki þykir æskilegt að lendi í höndum ríkja utan NATO.

Óttast er að Rússar hafi áhuga á að ná flakinu til að komast yfir háþróaðan tæknibúnað og háleynilegan vopnabúnað sem er í flugvélinni.

Bandaríkin hafa ekki farið leynt með að þau standa vörð um vélarnar og þá tækni sem þær byggja á. Það kom til dæmis berlega í ljós þegar Donald Trump, fyrrum forseti, ógilti samning um sölu á rúmlega 100 slíkum vélum til Tyrklands. Ástæðan var að tyrkneska ríkisstjórnin keypti rússneskt eldflaugavarnarkerfi. Bandaríkjamenn höfðu engan áhuga á að rússneskir sérfræðingar fengju aðgang að F-35 vélunum.

F-35 eru fullkomnustu orustuþotur heims og því vilja eflaust margir komast yfir slíka vél. Hún er til dæmis yfirburðavél þegar kemur að því leynast fyrir ratsjám. Með sérstakri meðhöndlun á yfirborði vélanna eru þær þannig úr garði gerðar að ratsjár sjá þær ekki fyrr en þær eru komnar mjög nærri. Vélarnar eru einnig búnar mjög þróuðu ratsjárkerfi sem getur skannað stór svæði og varað við hugsanlegum óvinum.

Vélin hrapaði skömmu eftir að hún hóf sig til lofts frá flugmóðurskipinu HMS Queen Elizabeth en þá stóðu æfingar á vegum NATO yfir í Miðjarðarhafi. Flugmaðurinn náði að skjóta sér út en vélin hrapaði í sjóinn undan ströndum Egyptalands en þó á alþjóðlegu hafsvæði. Það þýðir að í raun geta allir leitað að flakinu þar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Melania er brjáluð – „Þetta er svo augljóst og ég held að Bandaríkjamenn og allir sjái þetta“

Melania er brjáluð – „Þetta er svo augljóst og ég held að Bandaríkjamenn og allir sjái þetta“
Pressan
Fyrir 3 dögum

Legsteinn með dánardegi árið 2063 vekur athygli – Engin mistök

Legsteinn með dánardegi árið 2063 vekur athygli – Engin mistök
Pressan
Fyrir 3 dögum

Sérfræðingur segir að svona geti lögreglan hugsanlega leyst mál Madeleine McCann

Sérfræðingur segir að svona geti lögreglan hugsanlega leyst mál Madeleine McCann
Pressan
Fyrir 3 dögum

Farþega tókst að lenda flugvél heilu og höldnu eftir að flugmaðurinn veiktist

Farþega tókst að lenda flugvél heilu og höldnu eftir að flugmaðurinn veiktist
Pressan
Fyrir 4 dögum

Notað og nýtt búðin seldi gamla styttu á spottprís – Síðan kom í ljós hver uppruni hennar er

Notað og nýtt búðin seldi gamla styttu á spottprís – Síðan kom í ljós hver uppruni hennar er
Pressan
Fyrir 4 dögum

12 ára drengur skrifaði bréf til Zelenskyy – Átti ekki von á þessum viðbrögðum

12 ára drengur skrifaði bréf til Zelenskyy – Átti ekki von á þessum viðbrögðum