fbpx
Sunnudagur 05.desember 2021
Pressan

Miklar verðhækkanir á áburði geta valdið matvælaskorti

Kristján Kristjánsson
Mánudaginn 25. október 2021 19:30

Verð á ýmsum korntegundum hefur hækkað.

Ekki missa af Helstu tíðindum dagsins í pósthólfið þitt

Lesa nánar

Tilbúinn áburður hefur hækkað mikið í verði að undanförnu og er verðið orðið svo hátt að margir bændur hika við að kaupa áburð. Þetta getur í versta falli endað með miklum verðhækkunum og jafnvel matvælaskorti.

Þetta kemur fram í umfjöllun finans.dk. Fram kemur að verðið hafi næstum því fjórfaldast og það hafi sín áhrif á bændur sem hiki margir við að kaupa áburð vegna verðsins. Markaðurinn er sagður vera nánast frosinn og verðin komin alveg út úr korti. Margir áburðarframleiðendur í Evrópu og Kína hafa stöðvað framleiðsluna og það hefur valdið enn frekari verðhækkunum.

Ástæðurnar fyrir þessu eru slæm blanda markaðsafla og efnahags. Það þarf mikla orku til að framleiða áburð. Við framleiðslu á 100 kílóum er gaskostnaður 90% af heildarkostnaðinum. Verð á gasi hefur hækkað mikið á síðustu misserum og það skilar sé beint út í framleiðslukostnaðinn á áburði sem aftur skilar sér í verðinu til bænda. Það veldur því að bændur draga úr notkun og í framhaldi af því hætta sumir framleiðendur áburðarframleiðslu. Sem sagt slæm hringrás.

Sérfræðingar á þessum markaði telja að skortur verði á tilbúnum áburði á næsta ári og það muni valda matvælaskorti því heimsframleiðslan muni dragast saman.

Þetta mun að sögn ekki valda beinum matvælaskorti í þróuðu ríkjunum þar sem flestir geta tekist á við verðhækkanir á matvælum en fyrir þriðja heims ríkin getur þetta haft alvarlegar afleiðingar.

Sérfræðingar telja að brauð, hveiti og pasta muni fyrst hækka. Síðan muni verð á kjöti hækka, að minnsta kosti hjá þeim framleiðendum sem gefa dýrunum kornmeti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Tinder-stefnumótið þróaðist undarlega – „Ég fór á stefnumót með klósettpappírsmanninum“

Tinder-stefnumótið þróaðist undarlega – „Ég fór á stefnumót með klósettpappírsmanninum“
Pressan
Fyrir 2 dögum

Pabbinn fór í búð á Svörtum föstudegi og keypti byssu handa syninum – Það var örlagaríkt

Pabbinn fór í búð á Svörtum föstudegi og keypti byssu handa syninum – Það var örlagaríkt
Pressan
Fyrir 3 dögum

Telja að Hæstiréttur Bandaríkjanna muni staðfesta þungunarrofslög Mississippi

Telja að Hæstiréttur Bandaríkjanna muni staðfesta þungunarrofslög Mississippi
Pressan
Fyrir 3 dögum

Ætlar þú að taka þátt í Whamageddon fyrir jólin? – Mikil áskorun

Ætlar þú að taka þátt í Whamageddon fyrir jólin? – Mikil áskorun
Pressan
Fyrir 3 dögum

Varar við minni virkni bóluefna gegn Ómíkron

Varar við minni virkni bóluefna gegn Ómíkron
Pressan
Fyrir 3 dögum

Þetta segir læknir að þú eigir að gera ef þú hefur áhyggjur af Ómíkrón afbrigðinu

Þetta segir læknir að þú eigir að gera ef þú hefur áhyggjur af Ómíkrón afbrigðinu