Business Insider skýrir frá þessu og segir að hér sé um Jake Angeli, 32 ára, að ræða. Hann er einnig þekktur sem „Q Shaman“. Fram kemur að Angeli hafi margoft sést í gær á gangi við og í þinghúsinu með gjallarhorn. Hann hafi einnig verið iðinn við að láta taka myndir af sér með stuðningsmönnum Donald Trump og QAnon. Hann gaf sér einnig að sögn góðan tíma til að stjórna aðgerðum múgsins.
Angeli, sem er þekktur fyrir að vera með rauða, hvíta og blá málningu í andlitinu auk þess að bera hjálm með hornum er þekktur innan QAnon samsæriskenningahreyfingarinnar. The Arizona Republic segir að hann hafi tekið þátt í fjölmörgum mótmælum hægrimanna í Arizona síðasta árið.
Business Insider segir að hann sé einn af þekktustu aðilunum innan QAnon og einn af hugmyndafræðingum hennar. QAnon hefur stutt dyggilega við bakið á Donald Trump og hefur tekið undir staðlausar ásakanir hans um að kosningasvindl hafi kostað hann sigurinn í forsetakosningunum í nóvember. Meðlimir hreyfingarinnar telja Trump nánast vera frelsara sem eigi að bjarga Bandaríkjunum.