fbpx
Sunnudagur 25.september 2022
Pressan

Kenningin um 4. mars vekur áhyggjur – Óttast árás á bandaríska þinghúsið í dag

Kristján Kristjánsson
Fimmtudaginn 4. mars 2021 04:48

Stuðningsmenn Donald Trump réðust á þinghúsið 6. janúar 2021. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Ein vinsælasta samsæriskenningin þessa dagana meðal þeirra sem tilheyra QAnon-hreyfingunni snýst um daginn í dag, 4. mars. Yfirvöld hafa haft nokkrar áhyggjur af deginum og hefur öryggisgæsla verið aukin við þinghúsið í Washington D.C.

„Við höfum fengið upplýsingar sem benda til að ákveðinn vopnaður hópur sé með fyrirætlanir um að ráðast inn í þinghúsið,“ sagði í tilkynningu frá US Capitol Police, sem sér um öryggisgæslu og löggæslu í og við þinghúsið, í gær. Búið er að bæta við þann fjölda lögreglumanna sem er á vakt og setja upp tálmanir við þinghúsið. „Við tökum þessar upplýsingar mjög alvarlega,“ segir í tilkynningu lögreglunnar sem sagðist ekki ætla að veita fleiri upplýsingar um málið.

Timothy Blodgett, lögreglustjóri hjá US Capitol Police, sendi þingmönnum bréf á mánudaginn þar sem hann sagði þeim að búa sig undir harðari öryggisráðstafanir þann 4. mars. Þá sagði hann að ekki lægju fyrir upplýsingar um að árás væri fyrirhuguð á þinghúsið. En síðan hafa greinilega borist upplýsingar um fyrirhugaða árás.

Kenningin um 4. mars hefur notið mikilla vinsælda hjá þeim sem tilheyra QAnon-hreyfingunni en dagurinn er að þeirra mati hinn „rétti innsetningardagur“ þar sem Donald Trump verður settur í embætti forseta. Eins og flestir muna eflaust þá var Joe Biden settur í embættið þann 20. janúar eftir að hann sigraði Trump örugglega í forsetakosningunum í nóvember.

En af hverju 4. mars? Ástæðuna er að finna í þeirri staðreynd að fram til 1933 var 4. mars dagurinn sem forsetar sóru embættiseið og tóku við völdum. Á þessu byggja þeir sem aðhyllast samsæriskenningar QAnon þá von sína að Trump verði settur í embætti í dag. Þeir eiga erfitt með að sætta sig við að Trump hafi sigrað og leggja traust sitt á að Trump taki aftur við völdum. Í stuttu máli gengur QAnon út á þá aðalkenningu að heiminum sé stjórnað af leynilegum hópi barnaníðinga, sem margt frægt fólk tilheyrir, en Donald Trump sé frelsarinn og muni koma Bandaríkjunum og heiminum til bjargar.

US Capitol Police sagði í bréfi til þingmanna að þessi kenning hafi notið minnkandi stuðnings margra mismunandi hópa innan hreyfingarinnar að undanförnu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Myndir frá mótmælum í Moskvu vegna herkvaðningarinnar í Rússlandi – Yfir 800 handteknir

Myndir frá mótmælum í Moskvu vegna herkvaðningarinnar í Rússlandi – Yfir 800 handteknir
Pressan
Fyrir 3 dögum

Hækka viðbúnaðarstig við ofureldfjall – Eldgos þar fyrir 1.800 árum var það stærsta á jörðinni síðustu 5.000 ár

Hækka viðbúnaðarstig við ofureldfjall – Eldgos þar fyrir 1.800 árum var það stærsta á jörðinni síðustu 5.000 ár
Pressan
Fyrir 4 dögum

Deilir eiginmanninum með móður sinni og systur – „Þegar mig langar ekki, get ég bara látið manninn minn fá hana“

Deilir eiginmanninum með móður sinni og systur – „Þegar mig langar ekki, get ég bara látið manninn minn fá hana“
Pressan
Fyrir 5 dögum

Jarðarförin ,,öryggismartöð“ og mörg ár í undirbúningi – Valdamesta og tignasta fólks heims á sömu fermetrunum – Þekkir þú fólkið á myndinni?

Jarðarförin ,,öryggismartöð“ og mörg ár í undirbúningi – Valdamesta og tignasta fólks heims á sömu fermetrunum – Þekkir þú fólkið á myndinni?
Pressan
Fyrir 6 dögum

Banna kjötauglýsingar á almannafæri

Banna kjötauglýsingar á almannafæri
Pressan
Fyrir 6 dögum

Pútín kallar eftir friðsamlegri úrlausn í deilu Tadsíkistan og Kirgistan

Pútín kallar eftir friðsamlegri úrlausn í deilu Tadsíkistan og Kirgistan
Pressan
Fyrir 6 dögum

Harry niðurlægður og sár eftir að hann fékk ekki að bera fangamark Elísabetar ömmu sinnar á minningarvaktinni

Harry niðurlægður og sár eftir að hann fékk ekki að bera fangamark Elísabetar ömmu sinnar á minningarvaktinni
Pressan
Fyrir 6 dögum

Hafa fundið skýringu á hvernig steinblokkir voru fluttar til Giza

Hafa fundið skýringu á hvernig steinblokkir voru fluttar til Giza