fbpx
Mánudagur 26.október 2020
Pressan

Íslenskur matur á safni viðbjóðslegasta matar heims – „Ógeðslegasta munnfylli lífs míns“

Kristján Kristjánsson
Föstudaginn 18. september 2020 06:50

Disgusting Food Museum. Mynd:EPA-EFE/Johan Nilsson SWEDEN OUT

Ekki missa af Helstu tíðindum dagsins í pósthólfið þitt

Lesa nánar

Það er ekki á mörgum söfnum sem gestirnir fá ælupoka við innganginn. En það er það sem fólk fær þegar það heimsækir Disgusting Food Museum í Malmö og er ælupokinn innifalinn í verði aðgöngumiðans. Eins og nafnið gefur til kynna helgar safnið sig ógeðslegum mat og þar má finna íslenskt „ljúfmeti“.

Safnið er umfjöllunarefni í grein á vef Danska ríkisútvarpsins sem birtist í gær. Greinarhöfundur heimsótti safnið og skýrði frá upplifun sinni.

„Hér eru til sýnis 80 matartegundir frá öllum heimshornum. Matur sem á einn eða annan hátt er talinn ógeðslegur,“

segir greinarhöfundur og hefur eftir Andreas Ahrens, safnstjóra, að margir kasti upp þegar þeir heimsækja safnið.

Gestum er boðið að smakka sumt af matnum, ef þeir þora.

„Ég byrja á nýrri sýningu um ógeðslegt áfengi. Hér er hægt að upplifa allt frá íslenskum  hvalaeistnabjór til fishky – þýskt viskí sem er látið liggja í gömlum saltsíldartunnum,“

segir greinarhöfundur og hefur eftir safnstjóranum að það bragðist eins og blanda af ælu og viskíi. Síðan fylgir lýsing á einu og öðru sem fyrir augu ber á safninu þar til kemur að viðbjóðslegustu upplifunin á safninu að mati greinarhöfundar.

Úr sýningarsalnum. Mynd:EPA-EFE/Johan Nilsson SWEDEN OUT

„Ógeðslegasta munnfylli lífs míns“

Er fyrirsögn frásagnar greinarhöfundar um það þegar hún fékk að smakka íslenskan hákarl.

„Sem betur fer eru ekki nautatyppi eða maðkaður ostur með í bragðprufum dagsins en samt sem áður verður þetta mjög slæmt. Úr kæliborðinu töfrar Andreas Ahrens skyndilega fram ljósgulbrúnan fisk á diski. Þetta er biti af íslenskum hákarli, sem á dönsku þýðir „kæstur hákarl“ – sumir kalla þetta rotinn hákarl,“

segir greinarhöfundur og lýsir síðan hvernig smökkunin fór fram:

„Ég treð hákarlsbita upp í munninn og tygg vel. Síðan tekur helvíti við, vægast sagt. Hættið nú alveg hvað þetta er ógeðslegt. Sterkt ammoníakbragð ræðst á tunguna og mér finnst ég samstundis hafa gleypt útihátíðarklósett,“

segir greinarhöfundur um íslenskan hákarl.

Á vef DR er hægt að lesa enn meira um þessa áhugaverðu upplifun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Mætti óvænt í jarðarförina sína í stað þess að mæta í afmælisveisluna sína

Mætti óvænt í jarðarförina sína í stað þess að mæta í afmælisveisluna sína
Pressan
Í gær

Víðtæk áhrif kórónuveirufaraldursins – Í annað sinn í sögunni þarf að aflýsa hátíðarhöldum hjá dönsku hirðinni

Víðtæk áhrif kórónuveirufaraldursins – Í annað sinn í sögunni þarf að aflýsa hátíðarhöldum hjá dönsku hirðinni
Pressan
Fyrir 2 dögum

Sjáðu myndbandið: Fór hamförum í búðinni vegna sóttvarnaraðgerða – „Ég skammast mín ekki“

Sjáðu myndbandið: Fór hamförum í búðinni vegna sóttvarnaraðgerða – „Ég skammast mín ekki“
Pressan
Fyrir 2 dögum

Loftmengun verður hálfri milljón barna að bana árlega

Loftmengun verður hálfri milljón barna að bana árlega
Fyrir 3 dögum

Fjölskyldan hefur aldrei veitt meira saman

Fjölskyldan hefur aldrei veitt meira saman
Pressan
Fyrir 3 dögum

Helmingur kórónuveirusjúklinga í Noregi er af erlendum uppruna

Helmingur kórónuveirusjúklinga í Noregi er af erlendum uppruna
Pressan
Fyrir 3 dögum

Hröð þróun mannkyns – Færri fá endajaxla og margir fæðast með auka slagæð

Hröð þróun mannkyns – Færri fá endajaxla og margir fæðast með auka slagæð
Pressan
Fyrir 4 dögum

Níu úr sömu fjölskyldu létust – Borðuðu núðlur sem voru geymdar í frysti

Níu úr sömu fjölskyldu létust – Borðuðu núðlur sem voru geymdar í frysti