Niel Golighty tilkynnti nýlega að hann hætti sem fjölmiðlafulltrúi fyrirtækisins eftir aðeins sex mánaða starf. Það gerir hann í kjölfar þess að 33 ára ummæli hans um mál eitt voru rifjuð upp.
Fyrir 33 árum skrifaði hann grein undir fyrirsögninni „Enginn réttur til að berjast“ þar sem hann sagði meðal annars að „það að leyfa konum að berjast í fremstu víglínu myndi eyðileggja hvernig karlar heyja stríð og þau kvenlegu gildi, frið, heimilið og fjölskylduna, sem þeir berjast fyrir að varðveita“.
Það var starfsmaður Boeing sem kvartaði til stjórnenda fyrirtækisins yfir þessum ummælum Golighty. Hann hefur beðist afsökunar á ummælum sínum og í fréttatilkynningu segir hann að skoða verði ummælin í ljósi þess hver hann var fyrir 33 árum.
Hann hafi verið orustuflugmaður á tímum kalda stríðsins og umrædda grein verði að skoða sem vanhugsað til umræðu sem var mikil og hávær á þessum tíma.
„Skoðanir mínar voru vandræðalegar og móðgandi og ég hafði rangt fyrir mér. Grein mín sýnir ekki hver ég er en samt sem áður hef ég ákveðið að láta af störfum með hagsmuni fyrirtækisins að leiðarljósi.“