fbpx
Laugardagur 15.ágúst 2020
Pressan

Rússar stela sviðsljósinu – Segjast verða tilbúnir með bóluefni gegn kórónuveirunni um miðjan ágúst

Kristján Kristjánsson
Fimmtudaginn 30. júlí 2020 06:49

Svartidauði hefur orðið tveimur að bana í Kína. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Segja má að Rússar hafi stolið sviðsljósinu síðustu klukkustundir í umræðunni um heimsfaraldur kórónuveirunnar því þeir segjast verða tilbúnir með bóluefni gegn veirunni um miðjan ágúst. CNN segir að Rússar stefni á að 10. ágúst, eða jafnvel fyrr, verði nýtt bóluefni tilbúið til samþykktar. CNN fékk þetta staðfest hjá fjölda rússneskra embættismanna og fólki sem tengist vinnu við bóluefnið.

„Þetta er Spútnik-augnablik.“

Er haft eftir Kirill Dmitriev forstjóra Russina Direct Investment Fund sem fjármagnar vinnuna við bóluefnið. Hann vísar þarna til Spútnik gervihnattarins sem var sendur á braut um jörðina 1957 en með því tóku Sovétríkin forystu í geimkapphlaupinu því þau voru fyrsta landið sem náði þessum áfanga.

„Bandaríkjunum brá í brún þegar þau heyrðu hljóðin frá Spútnik. Það sama á við um þetta bóluefni. Rússland vill koma fyrst í mark.“

Sagði Dmitriev.

Fréttin um rússneska bóluefnið kemur á sama tíma og Donald Trump, Bandaríkjaforseti, stærir sig af að barátta hans fyrir þróun bóluefnis sé meiri og betri en hjá nokkrum öðrum og að virkt bóluefni verði tilbúið fyrir Bandaríkjamenn í janúar á næsta ári.

Stjórnvöld í Bandaríkjunum, Bretlandi og Kanada hafa margoft varað við að rússneskir tölvuþrjótar hafi beint spjótum sínum að vísindamönnum og samtökum sem koma að þróun bóluefnis. Rússar hafa vísað þessum ásökunum á bug.

En fréttirnar um rússneska bóluefnið hafa vakið upp spurningar. Margir velta fyrir sér hvort bóluefnið, sem er þróað af Gamaleya Institute í Moskvu, sé bæði áhrifaríkt og öruggt og hvort vísindamenn hafi hoppað yfir mikilvæg skref í þróun þess vegna pólitísks þrýstings.

Rússar hafa ekki enn birt nein vísindaleg gögn um prófanir á bóluefninu og gagnrýnendur hafa áhyggjur af að ekki hafi verið gerðar réttar tilraunir með það á fólki.

Rússneskir heimildarmenn segja að bóluefnið verði sent hratt í gegnum allt viðurkenningar- og samþykktarferlið vegna umfangs heimsfaraldursins og þeirra erfiðleika sem eru í Rússlandi við að ná tökum á faraldrinum. Þar í landi hafa rúmlega 820.000 smit greinst og rúmlega 13.600 látist ef marka má opinberar tölur.

Varnarmálaráðuneyti landsins segir að hermenn hafi verið valdir sem fyrstu sjálfboðaliðarnir til prófana á bóluefninu.

Tilraunir með bóluefnið eru enn á öðru stigi en því á að ljúka 3. ágúst. Þá hefst þriðja stig sem fer fram samhliða því að heilbrigðisstarfsfólk verður bólusett.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fyrir 2 dögum

Norðurá stórfljót yfir að líta eftir sanslausar rigningar

Norðurá stórfljót yfir að líta eftir sanslausar rigningar
Pressan
Fyrir 2 dögum

Gleraugu Gandhi á uppboði – Gætu selst á 2,6 milljónir

Gleraugu Gandhi á uppboði – Gætu selst á 2,6 milljónir
Pressan
Fyrir 2 dögum

Ótrúleg uppgötvun – „Þau fullkomnustu sem ég hef séð á ferlinum“

Ótrúleg uppgötvun – „Þau fullkomnustu sem ég hef séð á ferlinum“
Pressan
Fyrir 2 dögum

Setja tveggja ára gamlar flugvélar í geymslu í eyðimörkinni

Setja tveggja ára gamlar flugvélar í geymslu í eyðimörkinni
Pressan
Fyrir 3 dögum

Nýir húseigendur ætluðu að koma lúxuseigninni í gott stand – Gerðu óhugnanlega uppgötvun í kjallaranum

Nýir húseigendur ætluðu að koma lúxuseigninni í gott stand – Gerðu óhugnanlega uppgötvun í kjallaranum
Pressan
Fyrir 3 dögum

Þess vegna vill fólk ekki að aðrir sjái það stunda kynlíf

Þess vegna vill fólk ekki að aðrir sjái það stunda kynlíf
Pressan
Fyrir 4 dögum

97.000 börn smituðust af kórónuveirunni á tveimur vikum í Bandaríkjunum

97.000 börn smituðust af kórónuveirunni á tveimur vikum í Bandaríkjunum
Pressan
Fyrir 4 dögum

Ráðgátan um hótunarbréfið – Telja mikilvægan hlut vanta á það

Ráðgátan um hótunarbréfið – Telja mikilvægan hlut vanta á það