fbpx
Mánudagur 17.janúar 2022
Pressan

Afgönsk unglingsstúlka drap tvo Talibana í hefndarskyni

Kristján Kristjánsson
Fimmtudaginn 23. júlí 2020 07:00

Qamar Gul.

Ekki missa af Helstu tíðindum dagsins í pósthólfið þitt

Lesa nánar

Afganska unglingsstúlkan Qamar Gul drap nýlega tvo liðsmenn Talibana í hefndarskyni eftir að þeir drápu foreldra hennar. Þeim var gefið að sök að styðja afgönsku ríkisstjórnina. Auk þeirra tveggja sem Gul drap særði hún nokkra til viðbótar.

BBC skýrir frá þessu og hefur eftir embættismanni í Ghor héraði. Fram kemur að þetta hafi gerst í síðustu viku þegar liðsmenn Talibana réðust inn á heimili fjölskyldu Gul í bænum Griwa í Ghor-héraðinu í miðhluta Afganistan.

Þeir voru að leita að föður hennar til að hafa hann á brott með sér þar sem hann studdi ríkisstjórn landsins en ekki Talibana. Þegar eiginkona hans reyndi að koma í veg fyrir að eiginmaður hennar væri færður á brott drápu Talibanar hjónin fyrir utan húsið.

Qamar Gul, sem var inni, tók þá AK-47 sem fjölskyldan átti og skaut tvo Talibana til bana og særði nokkra til viðbótar að sögn Habiburahman Malekzada lögreglumanns í bænum.

Qamar Gul er sögð vera 14 til 16 ára en embættismenn eru ekki sammála um aldur hennar en í landinu er algengt að fólk viti ekki nákvæmlega hvað það er gamalt.

Í kjölfar þess að Qamar drap Talibanana gerðu aðrir liðsmenn samtakanna árás á hús fjölskyldunnar en voru hraktir á brott af nokkrum bæjarbúum og stjórnarhermönnum.

Qamar Gul og yngri bróðir hennar hafa nú verið flutt á öruggari stað af stjórnarhernum að sögn Mohamed Ared Aber héraðsstjóra.

Margir hafa hrósað Qamar Gul fyrir hetjuskap og ljósmynd af henni hefur farið víða á netinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Frakkar banna sölu á ávöxtum og grænmeti í plasti

Frakkar banna sölu á ávöxtum og grænmeti í plasti
Pressan
Í gær

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“

Lögreglumönnunum brá mikið þegar þeir opnuðu kassann – „Eitt það klikkaðasta sem ég hef upplifað“
Pressan
Fyrir 2 dögum

Auknar njósnir erlendra ríkja í Danmörku – Kína og Rússland nefnd sérstaklega til sögunnar

Auknar njósnir erlendra ríkja í Danmörku – Kína og Rússland nefnd sérstaklega til sögunnar
Pressan
Fyrir 2 dögum

Meiri líkur á að konur deyi á skurðarborðinu ef skurðlæknirinn er karl

Meiri líkur á að konur deyi á skurðarborðinu ef skurðlæknirinn er karl
Pressan
Fyrir 4 dögum

Nauðgaði eftir Tinder-stefnumót og sendi hræðileg skilaboð til fórnarlambs

Nauðgaði eftir Tinder-stefnumót og sendi hræðileg skilaboð til fórnarlambs
Pressan
Fyrir 4 dögum

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“

Fékk óvæntan laumufarþega í eyrað eftir sundferð – „Það var kakkalakkinn að hreyfa sig í hausnum á mér“
Pressan
Fyrir 4 dögum

Ný rannsókn – 90% minni líkur á að látast af völdum Ómíkron en Deltaafbrigðinu

Ný rannsókn – 90% minni líkur á að látast af völdum Ómíkron en Deltaafbrigðinu
Pressan
Fyrir 4 dögum

Fór á blint stefnumót og hefur ekki komist heim í viku vegna sóttvarnaaðgerða

Fór á blint stefnumót og hefur ekki komist heim í viku vegna sóttvarnaaðgerða