fbpx
Miðvikudagur 12.ágúst 2020
Pressan

Svarti póstkassinn í Nevada – Hvaða hlutverki gegnir hann?

Kristján Kristjánsson
Föstudaginn 10. júlí 2020 05:45

Ekki missa af Helstu tíðindum dagsins í pósthólfið þitt

Lesa nánar

Á afskekktum stað við State Route 375 í Nevada, einnig þekkt sem Extraterrestrial Highway, eru tveir póstkassar. Á þeim efri stendur Steve Medlin en á hinum Alien. Merkingin á þeim neðri hefur oft vakið undrun ferðalanga en margir þeirra sem telja að vitsmunaverur séu til utan jarðarinnar og séu jafnvel í haldi eða heimsæki Area 51, sem er skammt undan, hafa löngum talið að póstkassinn tengist þessum vitsmunaverum á einn eða annan hátt.

Steve Medlin er til. Hann og eiginkona hans, Glenda, fluttu árið 1973 til Tikaboo Valley og tóku þar við rekstri búgarðs. Sextán árum síðar birtist Bob Lazar í sjónvarpi og sagði að bandaríski flugherinn væri með bækistöð nærri búgarðinum, þessi bækistöð er í dag þekkt sem Area 51, og að þar væri geimfar, vitsmunavera frá annarri plánetu, sem hefði brotlent í eyðimörkinni.

Lazar, hafði starfað sem vísindamaður og verkfræðingur í Area 51 þetta ár. Hann hefur aldrei getað fært sönnur á staðhæfingar sínar en frásögn hans kynti vel undir þeim sem telja að vitsmunaverur hafi heimsótt jörðina. Enn þann dag í dag leggja margir leið sína til þessa afskekkta hluta Nevada í þeirri von að sjá geimfar og/eða geimverur.

Þarna kemur póstkassinn til sögunnar. Á um 60 km svæði er þetta eina manngerða kennileitið. Þetta hefur valdið því að póstkassinn hefur orðið vinsæll og hentugur staður fyrir áhugamenn um geimverur að safnast saman á kvöldin til að horfa til himins í von um að sjá geimför.

Í upphafi var aðeins einn póstkassi, sá sem Medlin á, og var hann svartur. Í kjölfar frásagnar Lazar byrjaði fólk að setja bréf stíluð á geimverur í póstkassann. Sumir voru enn ósvífnari og stálu pósti úr póstkassanum í þeirri von að þar væri að finna vísbendingar um hvað færi fram á Area 51. Þegar einhver gekk svo langt að skjóta göt á póstkassann greip Medlin til þess ráðs að skipta honum út með hvítri og skotheldri útgáfu. Hann setti einnig upp annan póstkassa undir sínum og það er Alien póstkassinn.

Póstkassarnir eru enn þekktir sem Black Mailbox og þar er vinsæll samkomustaður áhugafólks um geimverur og geimför.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Fyrir 2 dögum

Hræðilegt leyndarmál eiginmannsins

Hræðilegt leyndarmál eiginmannsins
Pressan
Fyrir 2 dögum

Enn er sótt að Andrew prins – „Þetta voru lengstu 10 mínútur lífs míns“

Enn er sótt að Andrew prins – „Þetta voru lengstu 10 mínútur lífs míns“
Pressan
Fyrir 5 dögum

Sáði dularfullum fræjum sem komu í pósti – Útkoman var ótrúleg

Sáði dularfullum fræjum sem komu í pósti – Útkoman var ótrúleg
Fyrir 5 dögum

Gylfi Sig við veiðar í Grímsá í Borgarfirði

Gylfi Sig við veiðar í Grímsá í Borgarfirði