Kvikmyndastjarnan John Boyega hélt ræðu á mótmælum Black Lives matter-hreyfingarinnar í Hyde Park í London-borg í gær. Þar ræddi hann um misræmið sem að litað fólk finnur fyrir og samstöðuna sem hefur myndast eftir morðið á George Floyd.
Ræðan virtist taka mikið á Boyega, sem sagðist óviss um að hann myndi fá starf eftir aðkomu sína að mótmælunum. Indiewire greinir frá þessu.
Raw passion! @JohnBoyega delivering a painful speech at the #blacklivesmatter protest 🗣🖤 pic.twitter.com/wtCW8GQE2I
— SB.TV (@SBTVonline) June 3, 2020
Boyega hefur undanfarið gert garðinn frægan í Star Wars-myndunum, þar sem að hann hefur farið með hlutverk Finn.
„Líf svartra hafa alltaf skipt máli. Við höfum alltaf verið mikilvæg. Við höfum alltaf haft þýðing. Við höfum alltaf náð árángri þrátt fyrir mótlæti. Nú er tíminn kominn . Við ætlum ekki að bíða.“
„Nú tala ég frá hjartanu. Sjáið til, ég veit ekki hvort ég fái nokkurntíman vinnu eftir þetta, en skítt með það“!
„Við vitum ekki hvað George Floyd eða Sandra Bland hefðu getað áorkað í lífi sínu, en í dag munum við sýna fram á að það verði ekki óþekkt spurning í eyrum þeirra sem yngri eru.“
Leikarinn hvatti mótmælendur til að halda mótmælunum friðsælum og falla ekki í „gildru“ lögreglunnar sem bíður eftir því að þeim mistakist.
„Þið þurfið að skilja hversu sársaukafullt þetta er. Þið þurfið að vita hversu sársaukafullt það er að vera minntur á það á hverjum degi að kynþáttur þinn hefur enga þýðingu, en það er ekki sannleikurinn og hefur aldrei verið það.“
Í kjölfar ummæla Boyega um að fá mögulega enga vinnu hafa vikið mikla athygli og nú hafa nokkrir af helstu leikstjórum Hollywood sagst ætla að sjá til þess að það gerist ekki. Þar má nefna Jordan Peele, Edgar Wright og Guillermo del Toro.