Líkt og ananrsstaðar í heiminum þá herjar COVID-19 á breta, en smitum fer enn fjölgandi þar í landi. Doktor Jenny Abthorpe, starfar á gjörgæsludeild á spítala í London. Í dag birtist dagbók hennar á fréttaveitu Sky.
Í dagbókinni lýsir Jenny lífinu á spítalanum, yfirþyrmandi álaginu, sambandi við skjólstæðinga og áhrif COVID-19 á svefn og heimilslífið.
Hér að neðan má lesa smá brot úr dagbokinni, sem er afskaplega sorglegt.
„Í dag mætti ég til vinnu. Ég hjólaði að lestarstöðinni, sem er yfirgefin. Mér líður líkt og einsömlum stríðsmanni þegar ég stíg um borð í lestina.
Vikan hefur verið erfið hjá okkur á gjörgæslunni. Fjöldi sjúklinga hefur dáið – Ég man hreinlega ekki eftir því að svona margir hafi dáið í einni og sömu vikunni.
Ég get ekki hætt að hugsa um ættingja eins sjúklingsins – 81 árs móðir sem hringdi á hverjum degi til að spyrja um son sinn. Afskaplega varð hún glöð þegar ég sagði henni að syni hennar gengi vel.
Núna líður mér líkamlega illa, því í fyrradag þurfti ég að segja henni að sonurinn væri látinn. Þá var of seint fyrir hana að heimsækja hann.“