fbpx
Sunnudagur 31.maí 2020
Pressan

Ný skýrsla – Valdamiklir Bretar misnotuðu börn kynferðislega – Stjórnmálamenn og lögreglan héldu hlífiskildi yfir þeim

Kristján Kristjánsson
Fimmtudaginn 27. febrúar 2020 07:01

Breskir lögreglumenn að störfum. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Á þriðjudaginn var ný skýrsla, sem var unnin af óháðri rannsóknarnefnd, lögð fram í Bretlandi. Í henni kemur fram alvarleg gagnrýni á breska stjórnmálamenn og lögregluna. Í skýrslunni er ekki skafið utan af hlutunum og því haldið fram að stjórnmálamenn og lögreglan hafi áratugum saman haldið hlífiskildi yfir barnaníði valdamikilla manna. Skýrslan, sem er 173 síður, beinist aðallega að atburðum á sjöunda og áttunda áratugnum. Í henni eru fyrrum þingmenn nafngreindir sem og aðrir valdamiklir menn úr stjórnkerfinu sem voru „þekktir fyrir að hafa virkan kynferðislegan áhuga á börnum“.

The Guardian skýrir frá þessu.

„Lögreglan sýndi málefnum þeirra barna, sem höfðu verið beitt kynferðislegu ofbeldi, lítinn áhuga. Stjórnmálaflokkarnir vissu að þeir, þar til nýlega, voru uppteknari af pólitískum afleiðingum en að vernda börn fyrir skaða.“

Segir í skýrslunni.

Rannsóknarnefndin var sett á laggirnar 2014 af Theresa May sem var þá innanríkisráðherra. Rannsóknin komst þó ekki á fullan skrið strax því fyrstu formenn hennar neyddust til að segja af sér embætti vegna hugsanlegra hagsmunaárekstra. Einnig þurfti nefndin að kanna mjög alvarlegar ásakanir um að velskipulagt net barnaníðinga hafi starfað í Westminster. Þær setti Carl Beech, fyrrum hjúkrunarfræðingur, fram og nafngreindi marga stjórnmálamenn sem hann sagði hafa misnotað börn kynferðislega, selt aðgang að þeim og jafnvel myrt. Þetta reyndist þó ekki á rökum reist og var Beech sakfelldur fyrir rangar sakargiftir á síðasta ári.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Einn frægasti krókódíll heims er dauður

Einn frægasti krókódíll heims er dauður
Pressan
Fyrir 2 dögum

Hefja tökur á Avatar 2 á nýjan leik

Hefja tökur á Avatar 2 á nýjan leik
Pressan
Fyrir 2 dögum

Ótrúleg samsæriskenning – Segir CIA hafa samið ofursmell

Ótrúleg samsæriskenning – Segir CIA hafa samið ofursmell
Pressan
Fyrir 2 dögum

Dregur Bill Clinton inn í mál Jeffrey Epstein

Dregur Bill Clinton inn í mál Jeffrey Epstein
Pressan
Fyrir 3 dögum

Lufthansa fær 9 milljarða evra frá þýska ríkinu

Lufthansa fær 9 milljarða evra frá þýska ríkinu
Pressan
Fyrir 3 dögum

130 manns segjast vera börn Jeffrey Epstein

130 manns segjast vera börn Jeffrey Epstein
Pressan
Fyrir 4 dögum

Vara við árásargjörnum og svöngum rottum

Vara við árásargjörnum og svöngum rottum
Fyrir 4 dögum

Sáum laxa á Brotinu

Sáum laxa á Brotinu