fbpx
Sunnudagur 05.apríl 2020
Pressan

Nýju bresku vegabréfin eru framleidd í Póllandi – Netverjar hafa stjórnvöld að háði og spotti fyrir vikið

Kristján Kristjánsson
Mánudaginn 24. febrúar 2020 08:00

Boris Johnson með breskt vegabréf.

Ekki missa af Helstu tíðindum dagsins í pósthólfið þitt

Lesa nánar

Breski vegabréfaframleiðandinn De La Rue verður að segja 170 starfsmönnum upp eftir að fransk/hollenska fyrirtækið Thales náði samningum við breska ríkið um framleiðslu 50 milljóna vegabréfa. Þau verða prentuð í Póllandi. Það hefur verið Boris Johnson, forsætisráðherra, og fleiri stuðningsmönnum Brexit mikið kappsmál að fá aftur blátt vegabréf í staðinn fyrir dökkrautt vegabréf ríkisborgara aðildarríkja ESB.

Það er sem sagt fyrirtæki í ESB sem mun sjá um framleiðslu vegabréfanna og þessu hafa margir skemmt sér vel yfir á netinu enda var ein af grunnhugmyndunum á bak við Brexit að Bretar tækju aftur yfir stjórnina á atvinnumarkaðnum í landinu og þyrftu ekki að leita út fyrir landsteinana.

Fjölmiðlafulltrúar ríkisstjórnarinnar birtu mynd af Boris Johnson þar sem hann heldur á bláa vegabréfinu og hafa netverjar skemmt sér konunglega yfir myndinni og því sem skrifað hefur verið um hana.

Til dæmis skrifaði einn Twitternotandi með ákveðinni kaldhæðni: „Boris Johnson á leið heim frá Póllandi þar sem hann sótti nýja vegabréfið sitt.“

Priti Patel, innanríkisráðherra, sagði að með því að taka aftur upp blátt og gult vegabréf tengist vegabréfið á nýjan leik bresku þjóðinni. The Times birti mynd af henni með vegabréfið.

„Það er mikil kaldhæðni að nýja bláa vegabréfið er framleitt í Póllandi af fransk/hollensku fyrirtæki og að breski vegabréfaframleiðandinn De La Rue á í vanda og þarf að fækka fólki. Ég man ekki eftir kosningaloforðinu ”Bresk störf fyrir pólska verkamenn” en hér birtist það.”

Skrifaði breski blaðamaðurinn Paul Lewis á Twitter.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Ótrúleg hugmyndaauðgi fólks hvað varðar varnarbúnað gegn COVID-19

Ótrúleg hugmyndaauðgi fólks hvað varðar varnarbúnað gegn COVID-19
Pressan
Fyrir 2 dögum

Strangtrúaðir gyðingar harðneita að fara eftir fyrirmælum varðandi COVID-19

Strangtrúaðir gyðingar harðneita að fara eftir fyrirmælum varðandi COVID-19
Pressan
Fyrir 4 dögum

Hóstaði á lögreglumenn og grýtti snýtibréfi í þá við handtöku – Úrskurðaður í gæsluvarðhald

Hóstaði á lögreglumenn og grýtti snýtibréfi í þá við handtöku – Úrskurðaður í gæsluvarðhald
Pressan
Fyrir 4 dögum

Mýtur um COVID-19 – Hvað er rétt og hvað er rangt?

Mýtur um COVID-19 – Hvað er rétt og hvað er rangt?