fbpx
Laugardagur 23.janúar 2021
Pressan

Hæstiréttur Bandaríkjanna fellir Covid-19 reglur úr gildi – Munaði um Ruth Bader Ginsburg

Heimir Hannesson
Fimmtudaginn 26. nóvember 2020 12:18

Ekki missa af Helstu tíðindum dagsins í pósthólfið þitt

Lesa nánar

Hæstiréttur Bandaríkjanna hefur fellt reglur Andrew Cuomo, ríkisstjóra New York, um takmörkun á fólksfjölda í trúarlegum athöfnum úr gildi. Niðurstaðan lá fyrir seint í gær og er fyrsta úrlausn Hæstaréttar þar sem atkvæði Amy Coney Barrett, arftaki Ruth Bader Ginsburg spilar lykilhlutverk.

Skiptin á Ginsburg og Barrett þóttu sveifla jafnvægi réttarins í íhaldssamri átt svo um munaði og er erfitt að ráða annað úr niðurstöðu réttarins í gær en að þær raddir hafi haft rétt fyrir sér. Þessi nýjasti dómur markaði viðsnúning réttarins, en hann hafði áður dæmt í samskonar málum ríkjanna Nevada og Kalíforníu. Voru niðurstöðurnar þar 5-4 í hina áttina, og munaði þar um Ginsburg, sem lést í September. Barrett tók við sæti Ginsburg þann 2. nóvember.

Í áliti meirihluta Hæstaréttar segir að takmarkanir ríkisstjórans á trúarlegum athöfnum stangist á við trúfrelsisákvæði stjórnarskrárinnar. Þá bætti Neil M. Gorsuch, sem skipaður var af Trump á þessu kjörtímabili, því við að Andrew Cuomo hefði brotið jafnræðisreglur með því að hafa lagt strangari reglur á trúarlegar samkomur en aðrar „veraldlegar“ samkomur.

Málið var höfðað af ólíklegum samherjum: Kaþólskri kirkju í Brooklyn og tveim sýnagógum í borginni auk tveggja einstaklinga. Kvörtuðu þeir yfir reglum New York ríkis um að ríkið gæti takmarkað samkomur á svokölluðum „rauðum svæðum“ þar sem smittíðni er há við 10 manns, og 25 manns á „appelsínugulum svæðum.“

Fjöldi annarra dómsmála er nú í gangi er varða takmarkanir á samkomum í Bandaríkjunum og má fastlega búast við að fleiri rati á fjörur Hæstaréttarins íhaldssama.

CNN greindi frá.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Líklegt að Kamala Harris verði að lifa með hótunum á áður óþekktu stigi

Líklegt að Kamala Harris verði að lifa með hótunum á áður óþekktu stigi
Pressan
Í gær

Skýrir frá undarlegustu óskum kynlífskaupenda

Skýrir frá undarlegustu óskum kynlífskaupenda
Pressan
Fyrir 2 dögum

Virgin Orbit komst út í geim á sunnudaginn

Virgin Orbit komst út í geim á sunnudaginn
Pressan
Fyrir 2 dögum

Segir að lýðræðið hafi nærri dáið

Segir að lýðræðið hafi nærri dáið
Pressan
Fyrir 3 dögum

Joe Biden hefur svarið embættiseið og flytur innsetningarræðu

Joe Biden hefur svarið embættiseið og flytur innsetningarræðu
Pressan
Fyrir 3 dögum

Greta Thunberg gerir grín að Trump

Greta Thunberg gerir grín að Trump
Pressan
Fyrir 3 dögum

Þjóðverjar framlengja harðar sóttvarnaaðgerðir og herða enn frekar

Þjóðverjar framlengja harðar sóttvarnaaðgerðir og herða enn frekar
Pressan
Fyrir 3 dögum

Snarráði þjónninn hylltur af lögreglunni – Greip inn í skelfilega atburðarás

Snarráði þjónninn hylltur af lögreglunni – Greip inn í skelfilega atburðarás