fbpx
Þriðjudagur 24.nóvember 2020
Pressan

Hrollvekjandi uppgötvun í búi drápsgeitunga

Kristján Kristjánsson
Sunnudaginn 15. nóvember 2020 11:00

Þeir geta orðið rúmlega 5 sm á lengd. Mynd:Wikimedia Commons.

Ekki missa af Helstu tíðindum dagsins í pósthólfið þitt

Lesa nánar

Nýlega eyddu sérfræðingar í Washingtonríki búi svokallaðra drápsgeitunga. Þetta var fyrsta bú þessarar tegundar sem fundist hefur í Bandaríkjunum. Við rannsókn á búinu kom í ljós að í því voru um 500 lifandi flugur á mismunandi þroskastigum.

Það sem vakti einna mesta athygli var að í búinu voru um 200 drottningar sem hefðu getað stofnað eigin bú að sögn Sven-Erik Spichiger skordýrafræðings sem stýrir baráttunni við þennan vágest. „Við komum á síðustu stundu,“ sagði hann.

En þrátt fyrir að þessu búi hafi verið eytt þá telja vísindamenn að ekki hafi tekist að uppræta tegundina því líklega hafi einhverjar drottningar sloppið og séu búnar að koma sér upp búum. Stungur þessarar tegundar eru mjög sársaukafullar og geta verið banvænar í sjaldgæfum tilfellum. Þær leggjast gjarnan á hunangsflugur og drepa þær og éta og eru færar um að eyða búum þeirra.

Tegundin er upprunninn í Asíu og er því boðflenna í amerískri náttúru. Þetta er stærsta geitungategund heims en flugurnar geta orðið rúmlega 5 sm á lengd.

Í Washington hefur fólk miklar áhyggjur af komu tegundarinnar því þar er landbúnaður mikilvægur en geitungarnir geta haft neikvæð áhrif á hann því þær lifa á skordýrum sem eru meðal annars nauðsynleg fyrir landbúnaðinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fyrir 3 dögum

Aldrei sama vindáttin í nokkra daga

Aldrei sama vindáttin í nokkra daga
Pressan
Fyrir 4 dögum

Flugvallarstjóri telur að farþegar þurfi að fara í kórónuveirupróf næstu árin

Flugvallarstjóri telur að farþegar þurfi að fara í kórónuveirupróf næstu árin
Pressan
Fyrir 4 dögum

Endurtalningu er lokið í Georgíu – Úrslitin standa

Endurtalningu er lokið í Georgíu – Úrslitin standa
Pressan
Fyrir 4 dögum

Hörð gagnrýni á „The Crown“ – Segir að þættirnir stefni konungdæminu í hættu

Hörð gagnrýni á „The Crown“ – Segir að þættirnir stefni konungdæminu í hættu