fbpx
Laugardagur 31.október 2020
Pressan

Trump kyndir undir ótrúlegri samsæriskenningu um Barack Obama

Kristján Kristjánsson
Föstudaginn 16. október 2020 05:29

Donald Trump Bandaríkjaforseti.

Ekki missa af Helstu tíðindum dagsins í pósthólfið þitt

Lesa nánar

Enn einu sinni hefur Donald Trump, Bandaríkjaforseta, tekist að reita marga til reiði en eflaust gleðjast aðrir af sama tilefni. Ástæðan er að á miðvikudaginn endurtísti hann nýrri samsæriskenningu um Barack Obama, sem var forseti á undan honum.

Það var Trump sem stóð á bak við mikla herferð gegn Obama frá 2008 til 2015 en þá hélt hann því fram að Obama hefði ekki fæðst í Bandaríkjunum og gæti því ekki verið forseti en það er skilyrði fyrir kjörgengi að vera fæddur í Bandaríkjunum. Trump varð á endanum að bakka með þessa kenningu sína en ekki virðist hafa dregið úr óbeit hans í garð Obama miðað við að hann kyndir nú undir nýja, og eiginlega klikkaða, samsæriskenningu um Obama.

Nýja kenningin, sem Trump endurtísti, gengur út á að grafa undan þeirri staðreynd að það var Obama sem var forseti þegar Osama bin Laden, heilinn á bak við hryðjuverkaárásirnar á Bandaríkin 2001, var drepinn af bandarískum sérsveitarmönnum.

Það eru Kari Donovan og hreyfingin QAnon sem standa á bak við þessa kenningu og eftir því sem segir á Twitteraðgangi Trump þá er sagan sem hér fylgir sönn:

Þegar Obama tilkynnti 2011 að sérsveitin Seal Team 6 hefði fundið bin Laden og drepið hann í Pakistan þá var það bara lygi og hneykslanlegur áróður. Þess í stað hafði Obama látið taka sérsveitarmennina af lífi og sá bin Laden, sem var drepinn, var í raun staðgengill hins raunverulega bin Laden. Segir QAnon að á sama tíma og hinir miklu ættjarðarvinir, sérsveitarmennirnir, liggi í köldum gröfum sínum gangi Osama bin Laden laus og sé að skipuleggja næstu árás á Bandaríkin.

Trump endurtísti kenningu samsæriskenningasmiðsins Kari Donovan um þetta. Hún segist þó ekki hafa neinar sannanir fyrir þessu en eins og forsetinn hafi hún sínar „grunsemdir“. Það virðist einmitt duga í bandarískum stjórnmálum í dag að hafa grunsemdir um eitt og annað. Endurtíst Trump fékk fljótlega mörg þúsund „læk“.

Robert O‘Neill, einn af sérsveitarmönnunum sem tóku þátt í aðgerðinni, skrifaði athugasemd við endurtíst Trump:

„Hugrakkir menn kvöddu börnin sín áður en þeir fóru til Pakistan til að drepa Osama bin Laden. Við fengum fyrirmælin frá Obama forseta. Þetta var ekki staðgengill.“

En þetta virðist ekki duga til að hafa áhrif á fólk og enn streyma „læk“ inn við kenninguna sem forsetinn styður greinilega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Bankað á ranga hurð – Slapp við keppnisbann

Bankað á ranga hurð – Slapp við keppnisbann
Pressan
Fyrir 2 dögum

Fyrirtæki í eigu Bandidos-glæpamanna fór á hausinn – Fékk styrk frá ríkinu

Fyrirtæki í eigu Bandidos-glæpamanna fór á hausinn – Fékk styrk frá ríkinu
Pressan
Fyrir 3 dögum

Telja að miklu fleiri hafi látist af völdum COVID-19 í Mexíkó en skýrt hefur verið frá

Telja að miklu fleiri hafi látist af völdum COVID-19 í Mexíkó en skýrt hefur verið frá
Pressan
Fyrir 3 dögum

Kórónuveirusmitað belgískt heilbrigðisstarfsfólk beðið um að vinna áfram þrátt fyrir smit

Kórónuveirusmitað belgískt heilbrigðisstarfsfólk beðið um að vinna áfram þrátt fyrir smit