Miðvikudagur 26.febrúar 2020
Pressan

Hversu oft á að skipta um nærbuxur?

Kristján Kristjánsson
Þriðjudaginn 28. janúar 2020 06:00

Ekki missa af Helstu tíðindum dagsins í pósthólfið þitt

Lesa nánar

Hversu oft á að skipta um nærbuxur? Þetta telja flestir sig eflaust vita en þótt fólk viti þetta þá er framkvæmdin kannski önnur. Að minnsta kosti miðað við niðurstöður nýrrar rannsóknar. Þær sýna að fjórði hver karlmaður segist „oft“ eða „alltaf“ vera í sömu nærbuxunum dögum saman áður en þær eru settar í þvott.

Það var undirfatafyrirtækið Undy sem gerði rannsóknina en 303 karlar tóku þátt í henni. Það er rétt að hafa í huga að þeir eru allir áskrifendur að nærbuxum hjá fyrirtækinu og því er úrtakið ekki alveg dæmigert.

Rannsókn sem greiningarfyrirtækið Cint gerði meðal 1.000 Dana á aldrinum 18 til 80 ára fyrir sjö árum sýndi sömu niðurstöðu. Þá svaraði fjórði hver karlmaður að þeir væru í sömu nærbuxunum í meira en einn dag í einu. Hjá konunum var hlutfallið níu prósent.

Ekstra Bladet hefur eftir Thomas Bjarnsholt, prófessor við ónæmis- og örverudeild Kaupmannahafnarháskóla, að þetta sé í sjálfu sér ekki hættulegt en sé aðallega ógeðslegt. Hann tók þó fram að það sé þó bót í máli að þarna séu eingöngu bakteríur úr manni sjálfum nema maður noti auðvitað nærbuxur frá öðrum. En hann sagði að þetta væri ekki alveg hættulaust því fræðilega séð séu líkur á að saurbakteríur geti borist í getnaðarlim karla og valdið blöðrubólgu. Það sama eigi við hjá konum, saurbakteríur geti borist í þvagrásina og valdið blöðrubólgu og þær séu í meiri hættu því þvagrás þeirra sé styttri en hjá körlum.

Í rannsókn Undy sögðust sex prósent svarenda nota nærbuxurnar nokkra daga í röð og síðan snúa þeim á rönguna og halda áfram að nota þær. Það er auðvitað ekki snjallt því þá berast bakteríur úr þeim í buxurnar. Til að drepa bakteríur þarf að þvo föt við minnst 60 gráður en fæstir þvo gallabuxurnar sínar (eða aðrar buxur) á þeim hita. Bjarnsholt sagði að fólk viti kannski ekki almennt að það eigi að þvo nærföt við 60 gráður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Nafnagjöf í beinni
Pressan
Í gær

Öfgahægrimenn styrkjast í Þýskalandi

Öfgahægrimenn styrkjast í Þýskalandi
Pressan
Í gær

Hrakti hvíthákarl á brott með því að berja hann

Hrakti hvíthákarl á brott með því að berja hann
Pressan
Í gær

Tómar matvöruverslanir á Ítalíu – 50 þúsund manns í sóttkví

Tómar matvöruverslanir á Ítalíu – 50 þúsund manns í sóttkví
Pressan
Í gær

Nýju bresku vegabréfin eru framleidd í Póllandi – Netverjar hafa stjórnvöld að háði og spotti fyrir vikið

Nýju bresku vegabréfin eru framleidd í Póllandi – Netverjar hafa stjórnvöld að háði og spotti fyrir vikið
Pressan
Fyrir 3 dögum

Bretar gefa út sérstaka risaeðlumynt

Bretar gefa út sérstaka risaeðlumynt
Pressan
Fyrir 4 dögum

Þetta gerist í sólkerfinu okkar þegar sólin deyr

Þetta gerist í sólkerfinu okkar þegar sólin deyr