Öryggislögreglan í Írak handtók nýlega Shifa al-Nima, betur þekktan sem Abu Abd al-Bari, en hann var talinn einn af æðstu leiðtogum hryðjuverkasamtakanna sem kenna sig við Íslamska ríkið. Hann er sagður hafa séð um að kveða upp dauðadóma yfir andstæðingum hryðjuverkasamtakanna og að hafa verið í fararbroddi hvað varðar eyðileggingu menningarminja. Hann er einnig sakaður um nauðganir, mannrán og þrælasölu í Mosul.

Samkvæmt fréttum erlendra fjölmiðla neyddist öryggislögreglan til að flytja al-Nima á brott frá dvalarstað hans í pallbíl því hann var of feitur til að passa inn í lögreglubíl. Öryggislögreglan tilkynnti um handtöku hans á Twitter og sagði að eftir langa rannsókn hafi tekist að hafa uppi á al-Nima.

Bretinn Macer Gifford, sem barðist gegn Íslamska ríkinu í Sýrlandi, kallar al-Nima „Jabba the Hut Íslamska ríkisins“ og vísar þar til persónu úr Stjörnustríðsmyndunum.

I'm delighted to say that the Islamic States very own Jabba the Hut has been captured in Mosul.
Responsible for the execution of men, women and children.
This animal raped and murdered.

Good luck hanging him Iraq 😬 pic.twitter.com/r1naWIXYMA

— Macer Gifford (@macergifford) January 16, 2020

„Ég gleðst mjög yfir að Jabba the Hut Íslamska ríkisins hafi verið handtekinn í Mosul. Hann ber ábyrgð á aftökum margra karla, kvenna og barna. Þetta dýr nauðgaði og myrti. Gangi ykkur vel að hengja hann Írak.“

Skrifaði hann í Twitterfærslu og vísar þar til þyngdar al-Nima.