fbpx
Laugardagur 19.september 2020
Pressan

Hefur feðrað rúmlega 800 afkvæmi – Bjargaði tegundinni frá útrýmingu

Kristján Kristjánsson
Sunnudaginn 19. janúar 2020 22:00

Mynd: Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Það er óhætt að segja að risaskjaldbakan Diego hafi staðið sig vel, eiginlega bara frábærlega, þegar kemur að ástarlífinu. Diego hefur feðrað rúmlega 800 afkvæmi og þar með nánast bjargað tegund sinni frá útrýmingu. Diego og tegund hans búa á eyjunni Espanola sem er ein Galapagoseyja.

Allt stefndi í að tegundin myndi deyja út því þegar verst var voru aðeins tvö karldýr eftir og tólf kvendýr. En þökk sé miklu framlagi Diego er staðan nú gjörbreytt. Hann var fluttur til eyjunnar Santa Cruz úr dýragarði í San Diego á sjöunda áratugnum til að verða hluti af ræktunaráætlun þar sem miðaði að því að bjarga tegundinni frá því að deyja út. Nokkrar aðrar risaskjaldbökur voru einnig fluttar til Santa Cruz.

Diego hefur staðið sig svo vel, og greinilega gengið mjög í augun á kvendýrunum, að fjöldi afkvæma hans hefur verið sendur til Espanola og hefur tegundinni verið bjargað frá útdauða. Nú eru um 2.000 skjaldbökur í stofninum og telja vísindamenn að Diego hafi feðrað að minnsta kosti 800 þeirra.

Diegeo fæddist á Espanola fyrir 100 árum en var fluttur þaðan 20 árum síðar þegar vísindamenn tóku ýmis dýr með sér þaðan. En nú fær hann að snúa aftur á heimaslóðirnar og eyða ævikvöldinu þar að afloknu frábæru starfi (og kynlífi) í þágu tegundarinnar. Ævikvöldið gæti þó orðið nokkuð langt enda skjaldbökur oft ansi langlífar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Fyrir 3 dögum

Orðrómur um að Íranar hyggist ráða bandarískan sendiherra af dögum – Trump hótar hefndum

Orðrómur um að Íranar hyggist ráða bandarískan sendiherra af dögum – Trump hótar hefndum
Fyrir 3 dögum

Elliðaárnar komnar í 530 laxa

Elliðaárnar komnar í 530 laxa
Pressan
Fyrir 3 dögum

Óhugnanleg uppgötvun eftir bruna í New York í gær

Óhugnanleg uppgötvun eftir bruna í New York í gær
Pressan
Fyrir 3 dögum

Hrottalegt morðmál skekur Bretland – Örsmár hluti úr líkinu varð morðingjanum að falli

Hrottalegt morðmál skekur Bretland – Örsmár hluti úr líkinu varð morðingjanum að falli