Eiginkona hans var á meðal þeirra 176 sem fórust þegar flugvél Ukrainian International Airlines fórst skömmu eftir flugtak frá flugvellinum í Tehran í vikunni. Rannsókn á tildrögum slyssins stendur yfir en bandarísk og kanadísk yfirvöld segja margt benda til þess að flugskeyti hafi grandað vélinni.
Miðavandamálið varð til þess að Roja Azadian fór um borð í vélina ein en Mohsen tjáði eiginkonu sinni að hann hygðist finna annað flug. Þau sáust aldrei aftur og komst Roja að því að vélin hafði farist þegar hann var enn inni í flugstöðinni, að því er segir í frétt Ottawa Citizen.
63 Kanadamenn voru um borð í flugvélinni sem var á leið til Kænugarðs, höfuðborgar Úkraínu. Ekki hefur verið flogið beint á milli Írans og Kanada frá árinu 2012 þegar stjórnmálasambandi ríkjanna var slitið. Því hafa farþegar þurft að fljúga til annarra ríkja, Úkraínu í þessu tilviki, til að komast til landsins.