En í öll þess ár sem hún hefur verið áhrifavaldur hefur hún haldið einu atriði leyndu en ákvað nýlega að skýra frá því.
„Það er ekki hægt að lýsa tilfinningunni að geta loksins verið ég sjálf.“
Sagði hún í samtali við Expressen.
Saga hennar hefst árið 1994 þegar lítið barn kom í heiminn í bæ nærri Gautaborg. Barnið fékk nafnið Marcus. Þegar drengurinn var að alast upp fannst honum eins og eitthvað væri ekki eins og það átti að vera en skildi ekki hvað það var. En ástæðan var að Marcus leið eins og stúlku.
„Ég áttaði mig ekki á þessu. Þegar ég byrjaði í skóla var ég svo öfundsjúk út í hinar stelpurnar. Hvernig þeir klæddu sig og hvernig fólk hegðaði sér í kringum þær.“
Vendipunkturinn var þegar Marcus var 15 ára og sá heimildamynd um transfólk.
„Allt í einu skildi ég hverja einustu hugsun, augnablik og tilfinningu í lífi mínu. Ég vissi ekki einu sinni að það væri eitthvað til sem hét að vera trans en ég skildi að ég var trans.“
Sagði Mathilda í samtali við Expressen.
Hún fór beint til foreldra sinna eftir að hafa sé heimildamyndina og sýndu þau ósk hennar um að fá að skipta um kyn mikinn skilning. Hún hefur nú lifað sem kona í sex ár en hefur ekki þorað að segja fylgjendum sínum þetta fyrr en nú. Það gerði hún í myndbandi sem hún birti á YouTube.
Hún segist hafa verið smeyk við að skýra frá þessu en vonast til að þetta geti breytt einhverju og dregið úr hatri og fordómum í garð transfólks.
