Einnig er vitað að mannkynið blandaðist við Denisova-fólkið. Nú hefur ný rannsókn leitt í ljós að við höfum blandast við þriðju tegund manna, tegund sem við höfum aldrei fundið vísbendingar um áður. Um eitt prósent af arfberum Denisova-fólksins eru frá þessari óþekktu tegund og líklega hafa um 15% þeirra borist í okkur, homo sapien, frá Denisova-fólkinu þegar við blönduðumst því.
Þetta hefur komið í ljós með nýjum rannsóknaraðferðum sem geta leitað í miklu magni erfðaupplýsingar sem við eigum frá okkur nútímamönnum, Neanderdalsmönnum og Denisova-fólkinu. Með þessu er hægt að sjá hvenær erfðablöndun átti sér stað.
Aðferðin hefur einnig leitt í ljós að um þrjú prósent af erfðaefni Neanderdalsmanna barst í okkur við blöndun tegundanna fyrir 200.000 til 300.000 árum. Það er allt annar tímapunktur en við vissum áður um en hann var eins og fyrr sagði fyrir um 50.000 árum.
Danska ríkisútvarpið segir að með því að nota þessa aðferð sé hægt að staðfesta niðurstöður fyrri rannsókna eða sjá hvort þær séu kannski meira ágiskun en að staðreynd.
Aðferðin hefur einnig leitt í ljós að í hvert sinn sem við nútímamennirnir höfum hitt aðrar tegundir manna höfum við blandast þeim.
