fbpx
Laugardagur 28.maí 2022
Pressan

Dönsku hægriflokkarnir vilja banna bænaköll múslima

Kristján Kristjánsson
Fimmtudaginn 18. júní 2020 05:50

Hamad Bin Khalifa Civilization Center moskan í Kaupmannahöfn. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Þegar hin heilaga hátíð múslima, Ramadan, hófst þann 24. apríl ómuðu bænaköll múslima úr hátölurum sem hafði verið komið fyrir á knattspyrnuvelli í Gellerup í Árósum. Bænaköllin voru skipulögð af forsvarsmönnum Fredens moskunnar sem var lokuð vegna heimsfaraldurs kórónuveirunnar. En bænaköllin á knattspyrnuvellinum virðast ætla að draga dilk á eftir sér því þau hrundu af stað heitri umræðu sem hefur nú náð alla leið inn á danska þingið.

Hægriflokkarnir hafa nú sameinast um kröfu um að bænaköll verði bönnuð. Fram að þessu hafa það aðeins verið Danski þjóðarflokkurinn og Nye Borgerlige, sem eru flokkarnir lengst til hægri, sem hafa viljað banna bænaköllin með lögum. En nú hafa aðrir hægriflokkar tekið undir þessa kröfu.

BT hefur eftir Marcus Knuth, talsmanni De Konservative í útlendingamálum, að Danmörk sé kristið land og það verði að vernda sérstöðu þjóðkirkjunnar. Það gangi ekki upp að hringja þurfi kirkjuklukkum í kappi við bænaköll frá moskum. Hann benti á Svíþjóð sem dæmi um víti til varnaðar:

„Við megum ekki enda eins og Växjö í Svíþjóð þar sem bænaköll á arabísku glymja úr hátölurum yfir sænsku húsþökin.“

Danski þjóðarflokkurinn og Nye Borgerlige lögðu fram tillögu á danska þinginu um bann við bænaköllum á fimmtudaginn. Venstre, stærsti hægriflokkurinn, lýsti þá yfir stuðningi við tillöguna.

Hjá Danska þjóðarflokknum gleðst fólk yfir stuðningnum.

„Það er óumdeilt að múslimar, sem búa hér, reyna að þvinga trú sinni og menningu inn í danskt samfélag. Þetta er svo eyðileggjandi og mikið áhyggjuefni að hinir hægriflokkarnir geta ekki lengur hunsað þetta.“

Sagði Morten Messerschmidt, talsmaður flokksins í málefnum ESB, í samtali við BT.

Þegar hann var spurður af hverju það væri svo hættulegt að leyfa moskunum að kalla til bæna eins og þjóðkirkjan gerir á sunnudögum í landi þar sem trúfrelsi ríkir var svarið:

„Já, en við erum ekki með trúfrelsi. Danmörk er kristið land og við getum ekki leyft íslam að ná fótfestu á opinberum vettvangi. Þetta snýst um að vernda sjálfsmynd ættjarðar okkar.“

Ekki er þó að sjá að tillagan verði samþykkt því svo lengi sem minnihlutastjórn jafnaðarmanna og stuðningsflokkar hennar eru á móti því nær hún ekki tilskildum meirihluta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 4 dögum

Karlar hylja andlit sín í Afganistan til að sýna samstöðu gegn Talíbönum

Karlar hylja andlit sín í Afganistan til að sýna samstöðu gegn Talíbönum
Pressan
Fyrir 4 dögum

WHO telur ekki þörf á fjöldabólusetningum gegn apabólu

WHO telur ekki þörf á fjöldabólusetningum gegn apabólu
Pressan
Fyrir 4 dögum

Segir að apabóla sé „sérstaklega ógeðsleg“

Segir að apabóla sé „sérstaklega ógeðsleg“
Pressan
Fyrir 5 dögum

Rafmagnsgítar Kurt Cobain seldur á uppboði fyrir himinháa upphæð

Rafmagnsgítar Kurt Cobain seldur á uppboði fyrir himinháa upphæð
Pressan
Fyrir 5 dögum

Apabóla dreifir sér í Bretlandi – Mæla með þriggja vikna einangrun

Apabóla dreifir sér í Bretlandi – Mæla með þriggja vikna einangrun
Pressan
Fyrir 5 dögum

Fimm létust í þrumuveðri í Kanada

Fimm létust í þrumuveðri í Kanada
Pressan
Fyrir 6 dögum

Gerði skelfilega uppgötvun í bílnum sínum

Gerði skelfilega uppgötvun í bílnum sínum
Pressan
Fyrir 6 dögum

Ófrjóir karlar hugsanlega tvöfalt líklegri til að fá brjóstakrabbamein

Ófrjóir karlar hugsanlega tvöfalt líklegri til að fá brjóstakrabbamein