Órafjarri, í um það bil 3.000 ljósára fjarlægð, nálægt stjörnunni “Kepler 160”, sem minnir um margt á okkar sól, hafa vísindamenn kannski fundið plánetu, sem minnir á jörðina.
Allt bendir til þess að plánetan, sem hefur hlotið nafnið ”KOI-456.06, komist næst því að vera byggileg pláneta eins og okkar, MIT Technology Rewiew skýrir frá þessu.
Hún er nefnilega á 378 daga sporbaug um stjörnuna, á byggilegu svæði, þar er ekki og heitt og ekki of kalt. Plánetan fær næstum ein mikla lífsgefandi birtu og jörðin okkar, eða um 93%.
Fram að þessu, hefur sú pláneta sem hefur komist næst því að vera byggileg, verið Prixima b” sem er á sporbaug um stjörnuna “Proxima Centauri”, sem er svokallaður rauður dvergur, sem er töluvert minni en okkar sól.
Fram að þessu hafa flestar þeirra pláneta sem fundist hafa verið í nágrenni rauðra dverga. En það er einmitt nálægðin við rauða dverga sem getur verið byggilegum plánetum svo hættuleg. Byggilega svæðið er mun nær stjörnunni og þar með nær segulsviði hennar, en það getur hindrað segulsvið plánetunnar í að vernda andrúmsloftið.
Þess vegna er uppgötvun “KOI-456.04” svo merkileg, þar sem stjörnukerfið líkist okkar mikið, fjarlægð plánetunnar frá stjörnunni er svipuð og fjarlægð jarðarinnar frá sólinni. Þar með er andrúmsloftið stöðugra.
En eins og með margt annað í heimi vísindanna er ekkert öruggt. Nú eru stjörnufræðingar um 85% vissir um að ”KOI-456.04” sé í raun pláneta. Það getur gætt einhverrar ónákvæmni í tækjum geimsjónaukans Kepler. Til þess að vera samþykkt sem pláneta þurfa vísindamenn að vera 99% vissir, en til þess þarf að vera hægt að skoða plánetuna betur.
Búist er við því að nýr geimsjónauki NASA, James Webb, muni geta skoðað plánetuna betur. Ráðgert er að senda hann á loft í mars 2021.
