fbpx
Þriðjudagur 09.ágúst 2022
Pressan

Sá allt – Jordan hafði í hótunum við hann

Kristján Kristjánsson
Fimmtudaginn 28. maí 2020 20:00

Ekki missa af Helstu tíðindum dagsins í pósthólfið þitt

Lesa nánar

„Ég get ekki svarað því. Ég vil það gjarnan en það gerðist svolítið.“ Þetta segir Ástralinn Gerard Neesham um atvik sem átti sér stað fyrir 25 árum. Þessu atviki eru gerð góð skil í þáttaröðinni The Last Dance sem fjallar um Michael Jordan og lið Chicago Bulls í NBA deildinni í körfubolta.

Í einum þáttanna kemur fram að Jordan hafi slegið liðsfélaga sinn Steve Kerr í andlitið þegar þeir voru í æfingabúðum 1995. Þeim lenti þá saman, ekki í fyrsta sinn en aldrei fyrr höfðu deilur þeirra farið svona úr böndunum.

Neesham var í æfingasalnum ásamt samlanda sínum Neale Daniher að fylgjast með æfingum Bulls en Luc Longley, leikmaður Bulls, hafði boðið þeim að vera viðstaddir. Longley er einnig frá Ástralíu.

Neesham getur ekki enn þann dag í dag skýrt frá hvað gerðist á æfingunni vegna einhvers sem gerðist í kjölfarið.

„Það komu upp aðstæður og síðan kom Michael Jordan til okkar og sagði: „Þið Ástralir.“ Við horfðum á hann og hann sagði: „Þið sáuð ekkert.“ Ég er því á vissan hátt bundinn af því að hann sagði við okkur að við hefðum ekki séð neitt.“

Sagði Neesham í samtali við SEN Breakfast. Það spilar einnig inn í þetta að Neesham vill ekki skaða Longley, sem fékk leyfi fyrir þá til að vera viðstaddir æfinguna, en mjög óvenjulegt var að óviðkomandi fengju að fylgjast með æfingum liðsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Lík eiginmannsins í baðkarinu og elskhuginn í skápnum

Lík eiginmannsins í baðkarinu og elskhuginn í skápnum
Pressan
Fyrir 4 dögum

14 látnir í eldsvoða á skemmtistað

14 látnir í eldsvoða á skemmtistað