The Guardian skýrir frá þessu. Trump hefur ráðist að Fox News fyrir að flytja boðskap frá demókrötum gagnrýnislaust.
„Fox News skilur ekki hvað er að gerast. Þeir segja frá sjónarmiðum demókrata án þess að hika eða nota tíma til að rannsaka hann.“
Segir The Guardian að Trump hafi tíst. Hann hefur gagnrýnt stöðina undanfarna mánuði og finnst hún greinilega ekki nógu hliðholl honum sjálfum.
Hann hefur ekki skýrt beint frá hvað hann er svona ósáttur við en hugsanlega eru það auglýsingar andstæðinga hans, sem hafa verið sýndar á stöðinni að undanförnu, sem hann er ósáttur við. Hópur repúblikana, sem er andsnúinn Trump, Republicans for the Rule of Law, hafa keypt auglýsingatíma í þættinum Fox & Friends. Í auglýsingunum er Trump tengdur við meintan skort á viðbrögðum við heimsfaraldri COVID-19.
„50.000 eru látnir.“ Segir í upphafi auglýsinganna og síðan koma myndir af Trump þar sem hann segir að „öflugt ljós geti læknað sýkta“. Þeim lýkur með orðunum „Óhæfur, ólíðandi, óásættanlegt.“
