Hluta aukningarinnar má rekja til fleiri ferðamanna frá Þýskalandi. Jan Olsen, sem er yfirmaður hjá Visit Denmark, segir að Þjóðverjar hafi uppgötvað Danmörku að nýju og að velgengni ferðamannaiðnaðarins megi að stórum hluta rekja til þeirra. Þýskir ferðamenn sækja sérstaklega í að leigja sumarhús í Danmörku og má rekja allt að tvo þriðju, af 21 milljón gistinátta árið 2019, í sumarhúsum til þeirra.
Færri Svíar heimsóttu Danmörku en árið áður, og fjöldi ferðamanna frá Noregi stóð í stað. Þetta útskýrir Jan Olsen með því að bæði sænska og norska krónan hafi veikst, þannig að ferðamenn frá þeim löndum fái minna fyrir peninginn en áður.
Mest hefur aukningin verið á gistinóttum á hótelum og eru það sértaklega Danir sem bera ábyrgð á þeirri aukningu. Þrátt fyrir að það hafi færst í vöxt að fólk gisti á hótelum eru sumarhús enn vinsælust meðal ferðamanna í Danmörku.
Það eru aðeins tjaldsvæði og skemmtibátahafnir sem fengu færri gesti 2019 en árið áður, en það má að hluta til rekja til þess að sumarið 2018 var óvenjuhlýtt.
Það hefur færst í vöxt að ferðamenn komi til Danmerkur allt árið, sem skapar jafnvægi í ferðamannaiðnaðinum og skapar fleiri störf. Búist er við því að árið 2020 verið enn eitt metárið og býst Jan Olsen við enn meiri aukningu á ferðamönnum frá Þýskalandi. Hann býst ekki við að Kórónavírusinn muni hafa mikil áhrif á ferðamannastrauminn, þar sem að ferðamenn frá Kína séu aðeins lítill hluti þeirra sem heimsækja landið.
