fbpx
Sunnudagur 06.júlí 2025
Pressan

Vaxandi þrýstingur á afnám ótakmarkaðs hámarkshraða á þýskum hraðbrautum

Kristján Kristjánsson
Þriðjudaginn 14. janúar 2020 21:00

Austurrísk hraðbraut. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Áratugum saman hefur ótakmarkaður hámarkshraði á þýskum hraðbrautum verið einhverskonar tákn frelsis. Ótakmarkaður hámarkshraði er í gildi á um 70% hraðbrautanna en á 30% er hámarkshraði. Hraðbrautakerfi landsins er eitt það besta í heimi en það nær yfir 12.500 km og er það þriðja lengsta í heimi. Það bandaríska er rúmlega 75.000 km og það kínverska um 45.000 km.

Þýskir stjórnmálamenn, opinberar stofnanir og samtök umhverfissinna þrýsta nú á að 130 km/klst hámarkshraði verði settur á allar hraðbrautir landsins. Þetta fer illa í marga Þjóðverja því í þýsku þjóðarsálinni fyllir það mikið að þeir megi keyra eins hratt og þeir vilja þrátt fyrir að fáir nýti sér möguleikann.

Í haust var málið tekið fyrir á sambandsþinginu og voru umræðurnar heitar. 498 þingmen voru á móti því að setja 130 km/klst hámarkshraða á hraðbrautirnar en 126 voru því fylgjandi. En umræðan hefur síður en svo sofnað eftir atkvæðagreiðsluna.

Tímaritið Autobild fjallaði nýlega um málið og mismunandi rök fyrir og á móti hámarkshraða. Hvað varðar umferðaröryggi eru skoðanir skiptar. Samkvæmt tölfræðinni verða flest slys á þýskum hraðbrautum vegna hraða en ekki liggur fyrir hversu hátt hlutfall þeirra verður þegar ekið er hraðar en 130 km/klst. ADAC, samtök þýskra bifreiðaeigenda, telja að ekki verði fleiri slys í Þýskalandi en þeim löndum sem landið ber sig yfirleitt saman við. Samtökin segja að veiki punkturinn í umferðaröryggi sé á þjóðvegum landsins þar sem flest banaslys verði.

Sérfræðingar eru ekki á einu máli um hvort það hraðatakmarknir muni bæta umferðarflæði eða gera það verra. Sá hluti málsins snýst fyrst og fremst um hversu margir bílar eru á vegunum hverju sinni.

Andstæðingar hraðatakmarkana benda á að þeir komist fyrr á áfangastað ef enginn hámarkshraði er. Þýsk rannsókn frá 2004 sýndi þó að með ótakmörkuðum hámarkshraða sparist aðeins 5 til 7 mínútur á hverja 100 km.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Svona er hægt að losna við svitalykt úr handarkrikunum

Svona er hægt að losna við svitalykt úr handarkrikunum
Pressan
Í gær

Er líf eftir dauðann? Lítil stúlka upplifði ótrúlega hluti þegar hún dó

Er líf eftir dauðann? Lítil stúlka upplifði ótrúlega hluti þegar hún dó
Pressan
Fyrir 2 dögum

Ævilangt fangelsi fyrir að myrða skólapilt með sveðju

Ævilangt fangelsi fyrir að myrða skólapilt með sveðju
Pressan
Fyrir 2 dögum

Pokémonspilum að verðmæti 400.000 stolið

Pokémonspilum að verðmæti 400.000 stolið
Pressan
Fyrir 3 dögum

Varaforseti Taívan segist ekki láta Kínverja hræða sig þrátt fyrir að þeir hafi ætlað að láta hana lenda í bílslysi

Varaforseti Taívan segist ekki láta Kínverja hræða sig þrátt fyrir að þeir hafi ætlað að láta hana lenda í bílslysi
Pressan
Fyrir 3 dögum

Grípa til harðra aðgerða gegn skemmtiferðaskipum

Grípa til harðra aðgerða gegn skemmtiferðaskipum
Pressan
Fyrir 4 dögum

Sýknaður af ákæru um njósnir rúmri hálfri öld eftir að hann var tekinn af lífi

Sýknaður af ákæru um njósnir rúmri hálfri öld eftir að hann var tekinn af lífi
Pressan
Fyrir 4 dögum

Svona tryggir þú að taskan þín komi alltaf fyrst á farangursfæribandið

Svona tryggir þú að taskan þín komi alltaf fyrst á farangursfæribandið