fbpx
Miðvikudagur 23.september 2020
Pressan

Dularfullur þjófnaður af hafsbotni: Aðeins sundurtættir vírar mættu köfurum

Ritstjórn Pressunnar
Föstudaginn 6. september 2019 16:30

Ekki missa af Helstu tíðindum dagsins í pósthólfið þitt

Lesa nánar

Óvenjuleg sjón mætti köfurum undan ströndum Þýskalands á dögunum. Kafararnir voru sendir niður á hafsbotn vegna bilunar í athugunarstöð sem Helmholtz-miðstöðin í sjávarlífsrannsóknum kom fyrir á botni sjávar árið 2016. Ekki var um neina smá athugunarstöð að ræða, hún er 770 kíló og nokkuð fyrirferðarmikil.

Athugunarstöðin hætti skyndilega að senda gögn þann 21. ágúst síðastliðinn. Menn töldu að bilun hefði komið upp. Það sem mætti þó köfurunum var ekkert nema sundurtættir vírar. Búið var að fjarlægja athugunarstöðina og er ljóst að um mikið tjón er að ræða. Athugunarstöð af þessu tagi kostar um 40 milljónir króna.

Í frétt BBC kemur fram að hlutverk athugunarstöðvarinnar hafi verið að rannsaka ýmislegt er við kemur sjónum; saltmagn, súrefni, þörunga og metangas svo eitthvað sé nefnt. Hermann Bange, yfirmaður Helmholtz-miðstöðvarinnar, segir að gögnin sem stöðin hafi safnað séu ómetanleg.

Óvíst er hver fjarlægði athugunarstöðina og þá í hvaða tilgangi en ljóst er að um þaulskipulagðan verknað var að ræða. Athugunarstöðin er tæpa tvo kílómetra frá landi og á rúmlega tuttugu metra dýpi. Þá er hún býsna þung eins og að framan greinir. Sérfræðingar telja nær engar líkur á að sjávardýr hafi nagað rafmagnskaplana í sundur og athugunarstöðin skolast í burtu með hafstraumum. Telja þeir líklegt að einhverjir óprúttnir aðilar hafi hreinlega stolið henni.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Í gær

Twitter vill ekki Obama – „Ég er að gera hryllilega tilraun“

Twitter vill ekki Obama – „Ég er að gera hryllilega tilraun“
Í gær

Fáskrúð í Dölum komin yfir 200 laxa

Fáskrúð í Dölum komin yfir 200 laxa
Pressan
Fyrir 4 dögum

Leitaði að dóttur sinni í 19 ár – Þá varð kúvending í málinu

Leitaði að dóttur sinni í 19 ár – Þá varð kúvending í málinu
Pressan
Fyrir 4 dögum

Nýjar leiðbeiningar um kynlíf á tímum kórónuveiru – Sjálfsfróun og kynlíf á stórum opnum svæðum

Nýjar leiðbeiningar um kynlíf á tímum kórónuveiru – Sjálfsfróun og kynlíf á stórum opnum svæðum