Þeir sem koma nærri Ahlhorn-flugvellinum, sem er gamall herflugvöllur, nærri Bremen í Þýskalandi reka væntanlega upp stór augu þessa dagana. Flugbrautirnar eru þéttskipaðar Mercedes Benz bifreiðum. Allt er þetta „skipulagt“ segir Daimler-samsteypan sem á Benz.

Á flugbrautunum eru nú um 9.000 nýir Benz bílar. Allir eru þeir gallaðir og því eru þeir geymdir á vellinum þar til sérfræðingar hafa farið yfir þá en fyrr er ekki hægt að selja þá í Evrópu.

Meðal helstu galla og vandræðahluta í bílunum eru sætin og stuðarar þeirra. Gallarnir ná til um 40.000 Benz bíla í heildina.