Bandarískur maður drukknaði þegar hann bað kærustuna sína að giftast sér, í ferðalagi þeirra í Tansaníu. Huffington Post greinir frá þessu.
Steven Weber og Kensha Antoine höfðu aðeins verið í ferðalagi sínu í þrjá daga þegar harmleikurinn átti sér stað.
Parið gisti á neðansjávar-lúxushóteli. Einn morguninn ákvað Steven að kafa hjá herbergisglugga þeirra, þar sem hann bað Kensha að giftast sér.
Líkt og áður segir þá endaði bónorðið á hræðilegan hátt, þar sem að Steven sneri ekki aftur úr ferð sinni. Seinna fannst lík hans á sjávarbotninum.
Kensha sagði í Facebook-færslu að hún hefði sagt já við bónorði Steven.