Um er að ræða þrjú morð til viðbótar. Lögreglan segist þess fullviss að henni hafi tekist að hafa hendur í hári raðmorðingja og leiti nú að fleiri fórnarlömbum. Rannsóknin beinist nú að árunum 2005 til 2019.
Það var DNA á sígarettustubbi, sem lögreglunni tókst að komast leynilega yfir fyrir handtökuna, sem tengir Hayes við morðin.
Síðasta fórnarlambið var hin 32 ára Rachel Bey sem hafði viðurværi sitt af vændi. Lík hennar fannst í skurði í mars 2016. Hún var kjálkabrotin og margar tennur höfðu verið slegnar úr henni áður en hún var kyrkt.
Fyrsta fórnarlambið var Laquetta Gunther, 45 ára, sem starfaði einnig við vændi. Hin fórnarlömbin tvö störfuðu ekki við vændi en höfðu komið við sögu lögreglunnar vegna annarra afbrota, þar á meðal vörslu fíkniefna. Gunther og hinar konurnar tvær voru skotnar í höfuðið.
Nágrannar Hayes segja hann hafa starfað sem kokk og hafi virst venjulegur og rólegur maður sem bjó með konu og tveggja ára dóttur sinni.