fbpx
Föstudagur 05.júní 2020
Pressan

Óvænt niðurstaða nýrrar rannsóknar – Miklu fleiri dýrategundir í Andesfjöllunum en í Amazon

Kristján Kristjánsson
Þriðjudaginn 17. september 2019 19:00

Frá Amazon.

Ekki missa af Helstu tíðindum dagsins í pósthólfið þitt

Lesa nánar

Amazonskógurinn er talinn eitt mikilvægasta náttúrsvæði heims. Þar á meðal vegna hinna mörgu og einstöku dýrategunda sem eiga heima í þessum stærsta regnskógi heimsins. En þegar kemur að líffræðilegum fjölbreytileika þá er Amazon langt að baki Andesfjallanna sem liggja einmitt vestan við regnskóginn mikla.

Í Andesfjöllunum og öðrum fjöllum víða um heim eru miklu fleiri dýrategundir en í Amazon. Þetta er niðurstaða tveggja nýrra rannsókna danskra vísindamanna. Danska ríkisútvarpið skýrir frá þessu. haft er eftir Carsten Rahbek, sem stýrði rannsóknunum, að 85 prósent af öllum tegundum fugla, padda og spendýra sé að finna í fjöllunum. Fjölbreytileikinn sé allt að tvisvar til þrisvar sinnum meiri en á svæðum sem liggja lægra og eru flatlendari. Þetta kom á óvart sagði hann.

Hann segir að niðurstaðan hafi ekki aðeins verið óvænt heldur geti hún einnig breytt því hvernig vísindamenn greina þýðingu loftslagsbreytinganna á dýralífið.

Ekki kemur fram eiginleg skýring á af hverju svo margar tegundir hafast við í fjöllunum en Rahbek sagði að hugsanlega væri það vegna hraðrar og mikillar þróunar tegunda þar. Dýrin séu oft einöngruð á ákveðnum svæðum, til dæmis í dölum. Þá geti hlutirnir gerst hratt og annað hvort endað með að þau deyja út eða þróast yfir í nýjar tegundir.

En vísindamennirnir telja að einstakt loftslag fjallanna skipti einnig máli. Frá fjallsrótum Andesfjallanna upp í fimm kílómetra hæð í norðanverðum fjallgarðinum sé loftslagið allt frá því að vera hitabeltisloftslag yfir í að vera heimskautaloftslag. Þetta fjölbreytta loftslag geti skipt máli.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Ólafur Hand sýknaður
Pressan
Í gær

Nágranninn sendi henni skilaboð – Trúði ekki eigin augum

Nágranninn sendi henni skilaboð – Trúði ekki eigin augum
Pressan
Fyrir 2 dögum

Fundu tvo unglinga með bleiur í húsi þar sem húsráðandinn var látinn

Fundu tvo unglinga með bleiur í húsi þar sem húsráðandinn var látinn