fbpx
Miðvikudagur 16.október 2019  |
Pressan

Fer varla út úr húsi lengur: Sannfærður um að hann hafi drepið einhvern

Ritstjórn Pressunnar
Mánudaginn 16. september 2019 11:20

Ekki missa af Helstu tíðindum dagsins í pósthólfið þitt

Lesa nánar

„Ég ligg í rúminu, stundum í þrjá til fjóra mánuði, sannfærður um að ég hafi drepið einhvern,“ segir hinn 27 ára gamli Connor í býsna áhugaverðum heimildarþætti breska ríkisútvarpsins, BBC.

Connor er með áráttu- og þráhyggjuröskun (e. OCD) á háu stigi en þessi röskun einkennist oftar en ekki af síendurteknum og yfirþyrmandi kvíðatengdum hugsunum.

Connor var aðeins fjögurra ára gamall þegar hann varð fyrst var við þessi einkenni. Þau hafa þó farið stigversnandi með árunum og er nú svo komið að hann fer varla út úr húsi. Hann býr heima hjá foreldrum sínum þar sem hann á erfitt með að vera á vinnumarkaði vegna veikinda sinna.

Hugsanirnar sem Connor glímir við eru þess eðlis að hann hugsar stöðugt um að hann hafi gert einhverjum eitthvað. Hugsanirnar geta verið af kynferðislegum toga eða snúist um ofbeldi af einhverju tagi. „Þær snúast um að ég sé vondur en vilji ekki vera vondur,“ segir hann.

Connor féllst á að segja BBC sögu sína til að varpa ljósi á vandann, en ljóst er að mun fleiri en hann þjást af áráttu- og þráhyggjuröskun á háu stigi. Connor notar lyf sem eiga að minnka einkennin en hann segist ekki finna mikinn mun á sér þó hann taki lyfin að staðaldri. Þá hefur hann gengið til sálfræðings í hugræna atferlismeðferð og gengst nú undir meðferð sem kallast TMS og er einskonar segulörvun á heila. Vonast hann til að sú meðferð muni skila betri árangri en hinar.

Connor gengur um með myndavél á sér nær öllum stundum, en það gerir hann til að fullvissa sig um að hann hafi ekki gert neinum neitt.

Connor lýsir því hvernig hugsanirnar gera vart við sig. „Ég er til dæmis að keyra og keyri ofan í holu. Þá fer hausinn á fullt og ég fer að hugsa um að núna hafi ég keyrt á manneskju,“ segir hann. Öll fáum við óboðnar hugsanir en í tilfelli Connors valda þessar hugsanir honum mikilli vanlíðan og hann á erfitt með að losna við þær. Connor telur sig því þurfa að snúa við og kanna hvort hann hafi nokkuð ekið á manneskju. Þetta getur tekið hann nokkrar klukkustundir.

Hér að neðan má sjá innslag BBC um Connor.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Harðvítugar deilur um garðslátt – Kona úrskurðuð í gæsluvarðhald

Harðvítugar deilur um garðslátt – Kona úrskurðuð í gæsluvarðhald
Pressan
Í gær

FBI telur 79 ára mann hafa minnst 50 morð á samviskunni

FBI telur 79 ára mann hafa minnst 50 morð á samviskunni
Pressan
Fyrir 2 dögum

Dómari skaut sig fyrir framan fullsetinn réttarsal til að mótmæla pólitískum þrýstingi

Dómari skaut sig fyrir framan fullsetinn réttarsal til að mótmæla pólitískum þrýstingi
Pressan
Fyrir 2 dögum

Ótrúlegur árangur Toyota Land Cruiser

Ótrúlegur árangur Toyota Land Cruiser
Pressan
Fyrir 3 dögum

Óhugnanlegt mál í Bandaríkjunum – Reyndi að láta fjarlægja lunga úr heilbrigðum syni sínum

Óhugnanlegt mál í Bandaríkjunum – Reyndi að láta fjarlægja lunga úr heilbrigðum syni sínum
Pressan
Fyrir 4 dögum

Maður gekk berserksgang í Moskvu eftir að hann missti af flugi

Maður gekk berserksgang í Moskvu eftir að hann missti af flugi
Pressan
Fyrir 5 dögum

Hnífaárás í Manchester – Fjórir sagðir slasaðir

Hnífaárás í Manchester – Fjórir sagðir slasaðir
Pressan
Fyrir 5 dögum

Ahmed fær friðarverðlaun Nóbels

Ahmed fær friðarverðlaun Nóbels