fbpx
Miðvikudagur 23.október 2019  |
Pressan

Háttsettir liðsmenn bandarísku Navy SEALs reknir úr starfi

Kristján Kristjánsson
Föstudaginn 13. september 2019 17:00

Liðsmenn Navy SEALs á æfingu. Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Þrír háttsettir liðsmenn úrvalssveita bandaríska sjóhersins, Navy SEALs, hafa verið reknir úr starfi eftir að ásakanir voru settar fram á hendur sveit þeirra um kynferðisbrot og ölvun. Atvikin eru sögð vera „alvarleg agabrot“ og áttu sér að sögn stað þegar Navy SEALs Team 7 var við störf í Írak.

CNN segir að kona hafi sakað einn liðsmann sveitarinnar um að hafa brotið gegn henni kynferðislega þegar sveitin fagnaði þjóðhátíðardegi Bandaríkjanna þann 4. júlí. Auk þess hafa komið fram ásakanir um að liðsmenn sveitarinnar hafi neytt áfengis þegar þeir voru við störf á átakasvæðum.

Talskona Naval Special Warfare Command, Tamara Lawrence, staðfesti við CNN að þrír hefðu verið leystir frá störfum vegna málsins. Þremenningarnir eru sjálfir ekki grunaðir um að hafa átt hlut að máli í fyrrgreindum atvikum en þeir eru gerðir ábyrgir fyrir hegðun undirmanna sinna. Þeir hafa verið fluttir til innan sjóhersins og fá nýjar stöður innan hans.

CNN hefur eftir talsmönnum sjóhersins að þeir minnist þess ekki að svipuð mál hafi komið upp innan Navy SEALs.

Umrædd sveit var send heim frá Írak í júlí þar sem mikið þótti skorta á aga innan hennar. Af þeim sökum höfðu yfirmenn vantrú á að sveitin væri fær um að leysa þau verkefni sem henni voru falin.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 13 klukkutímum

Tímamótadómur – Sakfelldur fyrir að beita konu andlegu ofbeldi

Tímamótadómur – Sakfelldur fyrir að beita konu andlegu ofbeldi
Pressan
Fyrir 15 klukkutímum

Segjast hafa nýjar upplýsingar um dauða Marilyn Monroe – Dularfullt hvarf líffæra

Segjast hafa nýjar upplýsingar um dauða Marilyn Monroe – Dularfullt hvarf líffæra
Pressan
Fyrir 15 klukkutímum

Hann hvarf 6 vikum eftir brúðkaupið – 70 árum síðar var sannleikurinn afhjúpaður

Hann hvarf 6 vikum eftir brúðkaupið – 70 árum síðar var sannleikurinn afhjúpaður