fbpx
Fimmtudagur 01.október 2020
Pressan

Læknirinn á 20 ára fangelsi yfir höfði sér

Ritstjórn Pressunnar
Miðvikudaginn 4. desember 2019 18:00

Matthew Blackburn (t.h,) var 27 ára þegar hann lést.

Ekki missa af Helstu tíðindum dagsins í pósthólfið þitt

Lesa nánar

Darrell Rinehart, 64 ára læknir í Tennessee, hefur játað fyrir dómi að hafa skrifað út ópíóíðalyf fyrir sjúklinga sem ekki þörfnuðust þeirra í læknisfræðilegum tilgangi.

Að minnsta kosti fimm sjúklingar hans létust eftir að hafa tekið of stóran skammt af ópíóðalyfjum á tímabilinu mars 2015 til janúar 2016. Á sama tíma þurftu sex á aðhlynningu að halda eftir að hafa tekið of stóran skammt. Darrell þessi á 20 ára fangelsi yfir höfði sér og sekt sem nemur einni milljón dala, rúmum hundrað milljónum króna.

Darrell rak læknastofu í Columbia í Tennessee en það var fyrir tilstilli rannsóknarblaðamanna The Tennessean og The Indianapolis Star að upp komst um athæfi læknisins.

Einn þeirra sem lést var Matthew Blackburn, 27 ára faðir, sem glímt hafði við kvíða. Hann tók Zoloft og Xanax af þeim sökum. Þó að Matthew hefði sýnt merki þess að misnota lyfin þrefaldaði Darrell skammtinn hans skömmu áður en hann lést. Matthew lést þann 5. mars 2015 en krufning leiddi í ljós að hann hafði tekið morfín, oxycodone, Xanax, Zoloft og Valium áður en hann lést.

Annar sjúklingur, Ashley Marie Martin, 29 ára, fékk ávísað 30 millígrömmum af oxycodone þrisvar á dag vegna bakverkja. Það jafngildir 135 milligrömmum af morfíni sem er mun meira magn en bandarísk heilbrigðisyfirvöld mæla með. Þriðji sjúklingurinn, Ramona Diana Gill, fékk morfín og oxycodone vegna bakverkja, þó Darrell hefði aldrei framkvæmt neina skoðun á henni eða sent hana í myndatöku til að finna ástæðu verkjanna.

Alls hafa 32 læknar í Tennessee verið ákærðir á undanförnum misserum fyrir að ávísa of miklu magni af ópíóíðalyfjum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Tölvuþrjótar rákust á vegg hjá Nikolaj Jacobsen – „Þetta er í lagi, þið megið bara hafa þetta“

Tölvuþrjótar rákust á vegg hjá Nikolaj Jacobsen – „Þetta er í lagi, þið megið bara hafa þetta“
Pressan
Í gær

Hópur herforingja og þjóðaröryggisráðgjafa fer gegn Trump – „Við elskum landið okkar en óttumst um framtíð þess“

Hópur herforingja og þjóðaröryggisráðgjafa fer gegn Trump – „Við elskum landið okkar en óttumst um framtíð þess“
Pressan
Í gær

Fyrstu kappræður Trump og Biden eru í kvöld – Skattamálin verða væntanlega ofarlega á baugi

Fyrstu kappræður Trump og Biden eru í kvöld – Skattamálin verða væntanlega ofarlega á baugi
Pressan
Fyrir 2 dögum

Munu skattamál Trump koma í veg fyrir endurkjör?

Munu skattamál Trump koma í veg fyrir endurkjör?
Pressan
Fyrir 2 dögum

American Airlines tryggir sér lán upp á 5,5 milljarða dollara

American Airlines tryggir sér lán upp á 5,5 milljarða dollara
Fyrir 2 dögum

Veiðarnar á hreindýrum gengu vel

Veiðarnar á hreindýrum gengu vel