Þetta sagði hann í samtali við TV2. Fram kemur að Joe, sem býr í San Francisco í Kaliforníu, hafi haldið þessu leyndu öll þessi ár og hafi aðeins hans nánustu, lögmenn hans og nokkrir sérfræðingar í fjársjóðsleit vitað um það sem hann fann á hafsbotni.
Joe sækir sjóinn til að reyna að sjá fyrir fjölskyldu sinni. Dag einn var hann að veiða á línu þegar hún festist. Hann var með myndavél á línunni til að kanna hvernig fiskarnir hegðuðu sér í kringum hana. En hann sá svolítið annað, eitthvað sem líkist gulli. Að vonum var hann ánægður með þetta og sá fyrir sér að geta tryggt börnum sínum góða framtíð.
„Það er erfitt að segja hvort þetta er gull en flestir þeir sem vita hvernig gull lítur út ofan í vatni telja mjög líklegt að þetta sé gull.“
Sagði hann í samtali við TV2.
San Francisco Chronicel hefur reynt að komast að hvort um gull er að ræða og hversu mikils virði það er þá. Rætt hefur verið við sérfræðinga á þessu sviði. Fram kom að tveir fornleifafræðingar telja að um gull sé að ræða og að það sé að verðmæti 55 milljóna dollara. Ein gullstöng, eins og Joe sá er að, verðmæti 1,8 milljóna dollara.
Vitað er að 463 skipsflök eru á þessu svæði en sérfræðingar telja að mörg hundruð skip til viðbótar gætu hafa sokkið þarna.
En þar sem það sem Joe fann er á vernduðu hafsvæði fær hann ekki einu sinni að senda kafara niður til að kanna hafsbotninn. Brot á því banni varðar dagsektum upp á 100.000 dollara. Joe segir að málið hafi ekki gert annað en að valda honum hugarangri og vanda og nú hafi hann gefið upp alla von um að komast yfir fjársjóðinn.