fbpx
Laugardagur 08.ágúst 2020
Pressan

Líf fjölskylduföður í rúst eftir innbrot

Ritstjórn Pressunnar
Miðvikudaginn 20. nóvember 2019 10:47

Ben er hér til vinstri en Ricky er til hægri á myndinni.

Ekki missa af Helstu tíðindum dagsins í pósthólfið þitt

Lesa nánar

Ben Batterham, fjölskyldufaðir einn í Ástralíu, hefur verið sýknaður af ákæru um manndráp eftir að hann varð innbrotsþjófi að bana við heimili sitt í Newcastle á austurströnd Ástralíu.

Það var aðfaranótt 26. mars 2016 að Ben varð var við óvenjulegar mannaferðir á heimili sínu sem hann deildi með eiginkonu og ungri dóttur. Þegar betur var að gáð var óþekktur karlmaður í húsinu, óreglumaður að nafni Ricky Slater.

Ben nálgaðist þjófinn og reyndi að hrekja hann á brott. Til átaka kom á milli þeirra og þegar Ricky lagði á flótta reyndi Ben að hlaupa hann uppi. Þeir slógust þar til Ricky féll örendur niður. Þegar lögregla kom á vettvang andaði hann ekki og var hann úrskurðaður látinn á sjúkrahúsi nokkru síðar.

Ben var ákærður fyrir manndráp í kjölfarið en óhætt er að segja að málið hafi vakið athygli í Ástralíu og spurningar um friðhelgi heimilisins og rétt manna til að verjast innbrotsþjófum. Umrætt kvöld var innbrotsþjófurinn Ricky undir áhrifum metamfetamíns en í fórum hans fundust einnig þrír hnífar, skæri, þrír nýir iPhone-símar, fjórar MDMA-töflur og önnur fíkniefni.

Krufning leiddi í ljós að magn metamfetamíns í blóði Rickys var vel yfir hættumörkum. Þannig geta 0,54 millígrömm reynst banvæn en 0,71 millígrömm mældust í blóði Ricky. Þá voru meðal annars áverkar á hálsi innbrotsþjófsins. Dánarorsök var nokkuð á reki en hugsanlegt var talið að Ricky hafi dáið af völdum of stórs skammts af fíkniefnum, af völdum hjartaáfalls eða vegna áverka sem hann fékk í slagsmálunum.

Saksóknarar töldu sig þó hafa gott mál í höndunum og fór svo að ákæra var gefin út á hendur Ben vegna dauða Ricky.

Réttarhöldin hófust í málinu þann 4. nóvember og lauk þeim í gær með sýknudómi kviðdóms. Fyrir rétti sagðist Ricky aldrei hafa ætlað að valda Ricky alvarlegum skaða. Hann viðurkenndi þó að hafa verið reiður og viljað endurheimta það sem Ricky hafði á brott með sér.

Winston Terracini, verjandi Ben, sagði fyrir skemmstu að líf skjólstæðings síns væri rústir einar eftir atvikið. Hann hefði bæði fengið líflátshótanir, glímdi við áfallastreituröskun og hefði fengið taugaáfall. Nú ætti Ben þó að geta horft fram á veginn eftir sýknudóminn í gær.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Pressan
Fyrir 2 dögum

Trump segir mögulegt að COVID-bóluefni verði tilbúið fyrir kjördag – „Ég vil bjarga mannslífum“

Trump segir mögulegt að COVID-bóluefni verði tilbúið fyrir kjördag – „Ég vil bjarga mannslífum“
Pressan
Fyrir 2 dögum

Gríðarlegt tap Lufthansa

Gríðarlegt tap Lufthansa
Pressan
Fyrir 4 dögum

Hörmungarnar í Beirút – Yfir 50 látnir og þúsundir slasaðir

Hörmungarnar í Beirút – Yfir 50 látnir og þúsundir slasaðir
Pressan
Fyrir 4 dögum

Trump – „Engum líkar við mig“

Trump – „Engum líkar við mig“