Mánudagur 09.desember 2019
Pressan

Aðalleikkona í hryllingsmynd grunuð um morð

Kristján Kristjánsson
Föstudaginn 15. nóvember 2019 22:00

Aisling Tucker Moore-Reed Mynd:Jackson County Sheriff's Office

Ekki missa af Helstu tíðindum dagsins í pósthólfið þitt

Lesa nánar

Það er auðvitað stærsta verkefni hvers leikara að leika hlutverk sitt svo sannfærandi að áhorfendur heillist af framgöngunni. En bandaríska leikkonan Aisling Tucker, 30 ára, hefur kannski gengið aðeins of langt eftir að hafa leikið í hryllingsmyndinni „From the Dark“ sem er væntanleg í kvikmyndahús á næsta ári.

Aðeins degi eftir að tökum á myndinni lauk var hún handtekin grunuð um að hafa skotið frænda sinn, hinn 63 ára Shane More, til bana. Morðið átti sér stað 2016 að sögn Mail Tribune. Í kjölfarið var Tucker handtekin. Hún hélt því fram að um sjálfsvörn hafi verið að ræða og var látin laus gegn tryggingu.

Skömmu síðar hófust tökur á fyrrnefndri hryllingsmynd. Á þeim fimm mánuðum sem tökur hennar stóðu yfir vann lögreglan að rannsókn morðsins. Hún fann upptöku í farsíma sem sýnir Tucker skjóta frænda sinn aðeins 10 sekúndum eftir að hann kom heim til ömmu hennar í Oregon en þar stóðu heitar fjölskyldudeilur yfir. Á upptökunni heyrist Tucker öskra og bölva þegar hún áttar sig á að frændinn lést ekki strax af áverkum sínum.

Það var næstum eins og hún væri fúl yfir að hann væri ekki dáinn. Í mínum augum var þetta afgerandi sönnun.“

Sagði Lisa Greif dómari í Jackson County samkvæmt frétt Oregon Live.

Í kjölfar þess að myndbandið fannst fór rannsóknin í nýjan farveg þar sem Tucker er grunuð um morð að yfirlögðu ráði. Hún situr í gæsluvarðhaldi án möguleika á að vera látin laus gegn tryggingu. Mál hennar verður tekið fyrir dóm í desember.

Málið er í sjálfu sér nægilega skelfilegt eitt og sér en það bætir ekki úr skák að í myndinni leikur Tucker konu sem skýtur manneskju til bana. Framleiðendur myndarinnar hafa beðist afsökunar á þessu óheppilega vali á aðalleikkonu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Norður-Kórea sviptir hulunni af nýjum bæ – Sagður „táknmynd siðmenningarinnar“

Norður-Kórea sviptir hulunni af nýjum bæ – Sagður „táknmynd siðmenningarinnar“
Pressan
Fyrir 2 dögum

„Við stöndum frammi fyrir baráttu upp á líf eða dauða“

„Við stöndum frammi fyrir baráttu upp á líf eða dauða“
Pressan
Fyrir 3 dögum

Mennirnir skotnir til bana í morgun: Grunaðir um hópnauðgun og morð

Mennirnir skotnir til bana í morgun: Grunaðir um hópnauðgun og morð
Pressan
Fyrir 3 dögum

142.000 manns létust úr mislingum 2018

142.000 manns létust úr mislingum 2018
Pressan
Fyrir 4 dögum

Skólastjóri bannar nemendunum að senda jólakort

Skólastjóri bannar nemendunum að senda jólakort
Pressan
Fyrir 4 dögum

Laug á starfsumsókn – í gær fékk hún þungan dóm

Laug á starfsumsókn – í gær fékk hún þungan dóm