Nýlega fannst konan nokkur látin í húsi í Indiana í Bandaríkjunum. 2,5 metra löng kyrkislanga var vafin um háls hennar. Lögreglan telur að slangan hafði orðið konunni, sem var 36 ára, að bana. Konan átti slönguna, sem er af tegundinni reticulate phyton.

CNN hefur eftir talsmanni lögreglunnar að enginn hafi búið í húsinu, það hafi aðeins verið notað til að hýsa slöngur. Konan átti um 20 slöngur og kom tvisvar í viku í húsið. Hún stóð í skilnaði og voru slöngurnar hluti af þrætuefnunum í tengslum við skilnaðinn að sögn lögmanns hennar.