Þann 25. júlí 1840 sökk SS North Carolina undan strönd Suður-Karólínu í Bandaríkjunum eftir árekstur við systurskipið Governor Dudley. Ekki er langt síðan flakið fannst og nú vinna kafarar hörðum höndum að því að rannsaka það og flytja ýmis verðmæti úr því upp á yfirborðið.
Fox News skýrir frá þessu. Meðal þess sem hefur fundist eru verðmætar gullmyntir, marmari, matarstell og látúnsspjót. Sérfræðingar telja að um borð í skipinu séu hugsanlega gríðarlega verðmætar og sjaldgæfar myntir.
Þar er sérstaklega um að ræða bandarískar gullmyntir frá 1838. Í fréttatilkynningu frá Blue Waters Ventures International segir að ef slíkar myntir finnst í flakinu sé verðmæti þeirra gríðarlegt.
Kafarar munu vinna áfram við flakið, sem liggur um 30 kílómetra frá landi, í október og nóvember svo þeir hafa enn tíma til að finna þessar myntir.